Илдар Халиков Татарстан Республикасының Инвестиция-венчур фонды Попечительләр советының чираттагы утырышын уздырды

Бүген Татарстан Республикасы Премьер-министры Илдар Халиков “Татарстан Республикасы Инвестиция-венчур фонды” коммерцияле булмаган оешмасы Попечительләр советының чираттагы утырышын уздырды.
Утырыш ТР Хөкүмәте Йортында узды.

Көн тәртибен раслаганнан соң, утырышта катнашучылар башка мәсьәләләр белән бергә ел саен уздырыла торган “Татарстан Республикасы өчен илле иң яхшы инновацион идея” республика конкурсын уздыру турындагы мәсьәләне карадылар.

Конкурс тугызынчы тапкыр уздырыла. Аның оештыручылары – ТР Инвестиция-венчур фонды һәм ТР Фәннәр академиясе.

2013 нче елда, конкурста сигез номинация буенча катнашу өчен, 1413 гариза килгән (2012 нче елда – 1323 гариза). Ачык конкурста катнашучыларның географиясе ел саен киңәя бара.

Конкурста җиңүчеләрне бүләкләү тантанасы 2013 нче елнң 12 нче декабрендә “Корстон” кунакханә сәүдә-күңел ачу комплексында Татарстан Республикасы җитәкчелеге, Россия һәм Европа венчур индустриясе, Россия һәм төбәк инвестиция фондлары вәкилләре катнашында уза.

Белешмә өчен:
“Татарстан Республикасы өчен илле иң яхшы инновацион идея” конкурсының максаты – Татарстан Республикасының инновацион потенциалын күтәрү.

Конкурсның бурычлары: яшьләрне фәнни-тикшеренү эшчәнлегенә һәм техник иҗатка җәлеп итү; фәнни-техник өлкәдәге белгечләрнең интеллектуаль казанышларын пропагандалау; Татарстан Республикасы, Россия Федерациясе төбәкләре, чит илләрнең интеллектуаль потенциалын төбәкнең фәнни-техник һәм социаль-икътисади бурычларын хәл итүдә файдалануга булышлык итү.