Илдар Халиков салым органнары хезмәткәрләрен һөнәри бәйрәмнәре белән котлады

Бүген Татарстан Республикасы Премьер-министры Илдар Халиков салым органнары хезмәткәрләрен һөнәри бәйрәмнәре белән котлады.

“Хөрмәтле салым органнары хезмәткәрләре! – диелә котлау текстында. – Татарстан Республикасы Хөкүмәте һәм шәхсән үз исемемнән сезне һөнәри бәйрәмегез – Россия Федерациясенең Салым органнары хезмәткәрләре көне белән котлыйм.
Салым хезмәте – дәүләт финанс системасының тотрыклы эшен тәэмин итүче төп звеноларның берсе. Социаль әһәмиятле программаларның һәм инвестицион проектларның үз вакытында финанслануы, бюджет өлкәсе учреждениеләре хезмәткәрләренең иминлеге, гомумән илдәге икътисади иминлек аның эшчәнлегеннән тора.
Бүген салым хезмәте –иң югары дәрәҗәдә оештырылган, нәтиҗәле эшләүче һәм динамик үсеш алган дәүләт структураларының берсе, ул заманча мәгълүмат технологияләренә һәм программаларына, эш формаларына һәм алымнарына таянып эшли.
Бүгенге истәлекле көндә сезгә югары профессиональлек, зур җаваплылык, гадел һәм намуслы хезмәтегез өчен рәхмәт белдерәм. Сез бюджетның керем өлешен тулыландыруга, безнең республика үсеше өчен финанс базасы булдыруга зур өлеш кертәсез. Киләчәктә дә үз эшчәнлегегез белән Татарстан белән Россия Федерациясе үсеше өчен булышуыгызга ышанам!
Үзегезгә һәм гаиләгезгә нык сәламәтлек, бәхет, иминлек һәм уңышлар!
Татарстан Республикасы Премьер-министры И.Ш. Халиков”.