Илдар Халиков “Генерирующая компания” ААҖ Директорлар советы утырышын уздырды

Бүген Татарстан Республикасы Премьер-министры, “Генерирующая компания” ААҖ Директорлар советы рәисе Илдар Халиков “Генерирующая компания” ААҖ Директорлар советы утырышын уздырды.
Бу чара ТР Хөкүмәт Йортында булды.

Илдар Халиков утырышны, генерацияләүче объект төзелешенең инвестицион проектын күчерү буенча эш өчен, предприятие коллективына, шулай ук профильле министрлыклар һәм ведомстволар җитәкчелегенә рәхмәт сүзләреннән башлады. “Бу, һичшиксез, Татарстан энергетикасы тарихында мөһим этап”, - дип ассызыклады ТР Премьер-министры.

Төп мәсьәләләр 2013 елның 9 аенда предприятие эшчәнлегенә нәтиҗәләр ясауга карады. Әлеге чорга нәтиҗәләр буенча, “Генерирующая компания” ААҖ эшләп чыгарган электр энергиясе күләме 11 206 млн. кВтч тәшкил итә, бу узган ел күрсәткече белән чагыштырганда 8 процентка, планлаштырылган күрсәткечтән 10 процентка кимрәк. Узган ел белән чагыштырганда, җылылык энергиясен җибәрү шулай ук 2 процентка кимегән, шулай ук планлаштырылган күләм күрсәткеченнән 8 процентка кимрәк, һәм 6 419 мең Гкал тәшкил итә.

Предприятие дебиторлык бурычы күләмен киметә алган. Ләкин күпләп сату базарында ТР компаниясе электр энергиясен алучы башка төбәкләрнең энергия предприятиеләренә 1 млрд. сумнан артык бурычы бар. Илдар Халиков әйтүенчә, бүген әлеге мәсьәләне дәүләт дәрәҗәсендә күтәрергә кирәк. Предприятиеләр финанс бурычларын үтәмәгән патрнерларына энергияне сатмасын өчен, мөмкин булганның барысын да эшләргә кирәк, - диде ул. Шулай ук ТР Премьер-министры Россия Энергетика министрлыгында башта эшлекле очрашулар уздырып, әлеге мәсьәлә белән үзе шөгыльләнергә теләк белдерде.

2013 нче елда “Генерирующая компания” ААҖ капиталь төзелеш планы буенча расланган кертемнәр күләме 1260,9 млн.сум тәшкил иткән.
Капиталь төзелеш планы буенча, 56 титул объектны төзү, реконструкцияләү һәм яңарту алып барыла. Агымдагы елның 9 аенда, компания капиталь төзелеш планын гамәлгә ашыру нәтиҗәсендә, 750,3 млн.сум үзләштерелгән, бу 9 ай планының 92% ын һәм еллык планның 60% ын тәшкил итә.

“Генерирующая компания” ААҖен көзге-кышкы чорга әзерләүгә килгәндә, энергия җиһазларын ремонтлау һәм аларга хезмәт күрсәтү буенча барлык чаралар эшләнгән, дип белдерелде утырыш барышында. Төп җиһазларны, бина һәм корылмаларны ремонтлау буенча агымдагы эшләр график нигезендә башкарыла.

“Генерирующая компания” ААҖ Директорлар советы вәкилләре шулай ук компаниянең яңа барлыкка килә торган филиаллары җитәкчеләрен (Казан җылылык челтәрләре һәм Чаллы җылылык челтәрләре) расладылар – алар Рим Галиәхмәтов һәм Айрат Зәйнуллин.