Татарстан Премьер-министры А.В. Песошинның Меценат һәм хәйрияче көне белән котлады
Кадерле татарстанлылар!
Сезне Меценат һәм хәйрияче көне белән котлыйм.
Татарстан һәрвакыт мохтаҗларга ярдәмгә килергә һәм мөһим социаль, мәдәни һәм мәгариф проектларына ярдәм итәргә әзер булган юмарт һәм ярдәмчел кешеләр белән дан тотты. Без барыбыз да күренекле меценатларны – бертуган Акчуриннарны, Алафузовларны, Ушковларны рәхмәт хисе белән искә алабыз, аларның игелекле эшләре һәм юмарт иганәләре республикабызның мәдәниятен, мәгарифен һәм сәламәтлек саклау өлкәсен үстерүгә ярдәм итте. Татарстанның хәзерге хәйриячеләре һәм меценатлары данлы традицияләрне дәвам итәләр.
Безнең көннәрдә мохтаҗларга ярдәмне яңа рәвешләре пәйда булды, ул системалырак һәм нәтиҗәлерәк була бара. Бизнес вәкилләре, иҗтимагый оешмалар һәм республиканың гади гражданнары социаль әһәмиятле программаларны гамәлгә ашыруда актив катнашалар, аз керемле гаиләләргә, ятим балаларга, өлкән буын вәкилләренә һәм мөмкинлекләре чикләнгән кешеләргә ярдәм итәләр. Хәйрия эшчәнлегенең корпоратив практикасы аерым сүзләргә лаек.
Махсус хәрби операциядә катнашучыларга һәм аларның гаилә әгъзаларына ярдәм аеруча зур әһәмияткә ия. Татарстан халкы хәрбиләргә һәм аларның гаиләләренә һәрьяклап ярдәм күрсәтә. Бу кешеләр теләктәшлегенең һәм патриотизмның чын чагылышы, иң тирән хөрмәткә лаек.
Башка кешеләрнең язмышына битараф булмаган, республикабыз үсешенә һәм аның рухи-әхлакый нигезләрен ныгытуга үз ярдәме белән зур өлеш керткән һәркемгә тирән рәхмәтемне белдерәм. Барыгызга да сәламәтлек, бәрәкәт һәм барлык башлангычларда уңышлар телим. Сезнең һәр игелекле эшегез күп тапкырлар муллык һәм шатлык буларак тормышыгызга әйләнеп кайтсын.
Татарстан Республикасы Премьер-министры А. В. Песошин