Илдар Халиков “Татспиртпром” ААҖ Директорлар советы утырышын уздырды

Бүген Казанда ТР Хөкүмәте Йортында ТР Премьер-министры Илдар Халиков рәислегендә “Татспиртпром” ААҖ Директорлар советының чираттагы утырышы узды. Көн үзәгендәге төп мәсьәләләр - 2013 елның 9 аенда “Татспиртпром” ААҖнең финанс-хуҗалык эшчәнлеге нәтиҗәләре, 2014 елга җәмгыятьнең бюджеты, “Татспиртпром” ААҖнең Энергияне сак куллану программасы, 2014 елга Директорлар советының эш планын раслау турында иде.

Директорлар советы, 2013 елның 9 аенда компаниянең финанс-хуҗалык эшчәнлеге нәтиҗәләре турында, финанс директоры А. Каюмованың чыгышын тыңлады. 2013 елның 9 аенда алкоголь продукциясен җитештерү күләме, 2012 елның 9 ае белән чагыштырганда, 33% ка арткан һәм 6 226 мең декалитр тәшкил иткән. Җитештерү планы 106% ка үтәлгән. 2013 нче елның 9 аенда филиаллардан һәм “Алкоторг” ҖЧҖ аша сатылган “Татспиртпром” ААҖ продукциясенең гомуми күләме 6058 мең декалитр тәшкил иткән, бу узган ел дәрәҗәсеннән 31% ка югары.

2013 елның 9 аенда “Татспиртпром” ААҖнең спирт заводларында 1537 мең декалитр спирт җитештерелгән. Спирт заводларының җитештерү егәрлекләре 100% ка файдаланылган. Бу спиртның барысы да үз алкоголь продукциясен җитештерү өчен кулланылган.

2013 елның 9 аенда сәнәгать җитештерүе индексы 127% тәшкил итә. 2013 нче елның 9 аенда продукцияне сатудан алынган табыш 46% ка арткан һәм 4,6 млрд сум тәшкил иткән.
2013 елның 9 аенда “Татспиртпром” ААҖ барлык дәрәҗәдәге бюджетларга 11,2 млрд сум салым һәм җыем күчергән.
2013 елның 9 аенда ТРның консолидацияләнгән бюджетына 3,895 млрд сум күчерелгән.
2013 нче елның 9 аенда чиста табыш 264 млн сум тәшкил иткән.

Директорлар советы 2014 елга “Татспиртпром” ААҖнең бюджетын раслады. 2014 елга “Татспиртпром” ААҖ филиалларыннан һәм “Алкоторг” ҖЧҖ складларыннан 8961 мең декалитр алкоголь продукциясен сату планлаштырылган.
Алкоголь продукциясен җитештерү күләме 8500 мең декалитр тәшкил итәчәк. Спирт заводлары 2208 мең декалитр спирт җитештерергә планлаштыра.
“Татспиртпром” ААҖ барлык дәрәҗәдәге бюджетларга 19,6 млрд сум салым һәм җыемнар күчерергә планлаштыра. ТР ның консолидацияләнгән бюджетына 6,5 млрд сум күчереләчәк.
Чиста табыш 478 млн. сум күләмендә планлаштырылган.

“Татспиртпром” ААҖ генераль директоры Гиоргий Куприянов “Татспиртпром” ААҖ Энергияне сак куллану программасы турында чыгыш ясады.

Шулай ук утырышта “Татспиртпром” ААҖ Директорлар советының 2014 елга эш планы расланды.