Татарстан Республикасы Премьер-министры Илдар Халиков Александр Бобрышевка Татарстан Республикасының “Намуслы хезмәт өчен” медален тапшырды

Бүген Татарстан Республикасы Премьер-министры Илдар Халиков Александр Бобрышевка Татарстан Республикасының “Намуслы хезмәт өчен” медален тапшырды, ул кичәге көнгә кадәр “Туполев” ААҖ белән “С.П. Горбунов исемендәге Казан авиация җитештерү берләшмәсе” ААҖ нең генераль директоры вазыйфасын башкарды.

Бүләк Татарстан Республикасы Президенты Указы белән авиация сәнәгате үсешенә зур өлеш керткәне өчен бирелде.
Медальне тапшыру “Горбунов исемендәге Казан авиация җитештерү берләшмәсе” ААҖ территориясендә, “Берләшкән авиатөзелеш корпорациясе” ААҖ президенты Михаил Погосян катнашында узган киңәшмәдә булды.
Михаил Погосян “Берләшкән авиатөзелеш корпорациясе” ААҖ Директорлар советының “Туполев” ААҖ һәм “С.П. Горбунов исемендәге Казан авиация җитештерү берләшмәсе” ААҖ нең генераль директоры Александр Бобрышевның башка эшкә күчү сәбәпле, вазыйфасыннан азат ителүе һәм бу вазыйфага “Берләшкән авиатөзелеш корпорациясе” ААҖ Махсус авиация программасы дирекциясе директоры Николай Савицкихны генераль директор итеп билгеләү хакындагы карарын белдерде.

Татарстан Республикасы Премьер-министры Илдар Халиков “Туполев” ААҖ һәм “С.П. Горбунов исемендәге Казан авиация җитештерү берләшмәсе” ААҖнең яңа генераль директоры Николай Савицкихка эшендә уңышлар теләде.
Ул шулай ук “Горбунов исемендәге Казан авиация җитештерү берләшмәсе” ААҖ 2013 ел башында предприятие алдына куелган бурычларны үтәде, дип билгеләде һәм предприятие коллективының күп кенә планнарны гамәлгә ашырачагына ышаныч белдерде.

ТР Премьер-министры урынбасары – сәнәгать һәм сәүдә министры Равил Зарипов Александр Бобрышевка истәлекле бүләк һәм Николай Савицкихка символик генераль директор портфелен тапшырды.

Белешмә өчен:

Николай Владимирович Савицких 1960 елның 5 апрелендә Белгород өлкәсендә туа.
1989 елда Ростов дәүләт университетын (Икътисад теориясе) тәмамлый;
2004 елда – ФГОУ ВПО “Көньяк федераль университеты”н (Самолетлар төзү һәм вертолётлар төзү) тәмамлый.
1977 – 1991 елларда Дмитров исемендәге Таганрог авиация заводында;
2011 елның августыннан 2013 елның декабренә кадәр - “Берләшкән авиатөзелеш корпорациясе” ААҖ Махсус авиация программасы дирекциясе директоры.