Әсгат Сәфәров ТР да дәүләт граждан хезмәте һәм муниципаль хезмәт үсеше мәсьәләләре буенча комиссия утырышын уздырды

2013 елның 20 декабре, җомга
Татарстан Республикасында дәүләт граждан хезмәте һәм муниципаль хезмәт мәсьәләләре буенча комиссиянең чираттагы утырышы 2013 елның 19 декабрендә Татарстан республикамы Президенты Аппаратында узды.
Утырышны Татарстан Республикасы Президенты Аппараты җитәкчесе Әсгат Сәфәров уздырды.

Дәүләт һәм муниципаль хезмәткәрләрнең квалификациясен күтәрү системасы турында фикер алышу көн үзәгендәге төп мәсьәлә булды. Закон буенча хезмәткәрләр өч елга бер тапкыр квалификациясен күтәрергә тиеш.

2010 – 2013 елларда дәүләт органнары һәм җирле үзидарә органнарының барлык хезмәткәрләре укыту узган. Укытуның төрле формалары кулланыла: түгәрәк өстәл, лекция һәм семинар дәресләр, тренинглар, актуаль проблемалар буенча дискуссияләр.

Дәүләт һәм муниципаль идарәсе югары мәктәбе директоры Л.А.Нургатина, ТР хезмәт, мәшгульлек һәм социаль яклау министры А.Р.Шәфигуллин доклад ясадылар.

Әсгат Сәфәров хезмәткәрләрне укытуга аерым мөнәсәбәт һәм квалификация күтәрү нәтиҗәләре буенча бәяләү чараларын көчәйтү кирәклеген белдерде.

Утырышта шулай ук хезмәткәрләрнең квалификациясен күтәрү программаларының 2014 елга календарь планы каралды.

Квалификацияне күтәрү буенча эш 2014-2016 елларга Татарстан Республикасында дәүләт граждан хезмәте һәм Татарстан Республикасында муниципаль хезмәт үсеше программалары кысаларында гамәлгә кертеләчәк.

ТР Президенты матбугат хезмәте.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International