Татарстан Президенты Лаешта “Ферекс” заводын ачты
Бүген Татарстан Республикасы Президенты Рөстәм Миңнеханов Лаешта светодиодлы яктырткычлар җитештерүче “Ферекс” заводын ачты.
Лаеш районы территориясендә бу компаниянең икенче предприятиесе ачылу күңелле вакыйга. Алар үзләрен ышанычлы тәэмин итүчеләр буларак күрсәтте. Без Универсиада вакытында сезнең продукциянең яктысын тойдык. Сезнең перспективаларыгыз яхшы, продуктыгыз конкурентлыкка сәләтле”, - диде Татарстан Президенты производствоны эшләтеп җибәрү тантанасында.
Шул ук вакытта Рөстәм Миңнеханов республиканың теләсә кайсы муниципалитеты көндәшлелеккә сәләтле була һәм югары технологияле продукциясен җитештерә ала, дип билгеләп үтте.
“Татарстан продукциясе барыннан да элек биредә кулланылсын өчен шартлар булдырырга тиешбез. Тигез шартларда үзебезнең җитештерүчегә өстенлек бирергә кирәк”, - дип өстәде ТР Президенты.
Ул “Ферекс” заводын гамәлгә куючы Илнур Курмаевка Рәхмәт хаты тапшырды. Ул электр технологиясенең яңа технологияләрен керткән һәм Казанда Универсиадага әзерлектә актив катнашуы өчен бүләкләнде.
Илнур Курмаев республика Президентына предприятиенең эшенә югары бәя бирүләре өчен рәхмәт белдерде һәм 2 елдан Лаешта тагын 1 югары технологияле завод ачарга вәгъдә итте.
Шулай ук ул Лаеш районы башлыгы Михаил Афанасьевка заводны эшләтеп җибәрүдә ярдәм итүе өчен рәхмәт белдерде. Завод 5 айдан эшли башлады.
Бүген “Ферекс” компаниясе 50 төрдән артык яктырткыч чыгара һәм аларны бөтен Россия һәм БДБ илләре буенча сата. Төп производство Столбищеда урнашкан.
Лаешта ачылган заводта 50 эш урыны булдырылган. Биредә җитештерелгән яктырткычларның беренче партиясен Лаеш районы социаль объектлар тапшыру планлаштырыла. 2016 елда эш урыннарын 250 урынга кадәр арттыру планлаштырыла.
Завод территориясенең гомуми мәйданы 30 мең кв метр. Бүгенге көндә производствога кертелгән инвестицияләр күләме – 50 млн сум.
Заводта эшләүчеләр барысы да бистә кешеләре, хезмәткәрләрнең уртача яше – 27, уртача хезмәт хакы – 18 мең сум.