Илдар Халиков “Сетевая компания” Директорлар советы утырышын уздырды

Бүген ТР Министрлар Кабинетында Татарстан Республикасы Премьер-министры Илдар Халиков җитәкчелегендә “Сетевая компания” ААҖ нең Директорлар советы утырышы узды.
Утырышны ачканда, Илдар Халиков “Сетевая компания”ААҖ коллективын Татарстан һәм Идел буе энергосистемасындагы җитди һәм әһәмиятле вакыйга - 500 кВ Щелокова (Алабуга) подстанциясенең тоташуы белән котлады. Премьер-министр билгеләп үткәнчә, бу компания белгечләренең, проектлаштыручыларның, подрядчыларның, җиһазлар белән тәэмин итүчеләрнең өч ел дәвамында намуслы һәм тырышып эшләве нәтиҗәсе булды.

“Сетевая компания” ААҖ генераль директоры Илшат Фәрдиев, Татарстанда өченче подстанцияне эшләтеп җибәрү уңаеннан алынган телеграммалардагы җылы сүзләр өчен ТР җитәкчелегенә рәхмәт белдерде һәм хәзер компания якындагы өч елда иң мөһим бурычларның берсен – Казан, Түбән Кама энергия районында 220 кВ боҗрасын булдыру эшләрен башлаячак.

Директорлар советы утырышында керем һәм чыгым бюджетларының үтәлеше, 2013 нче елның 9 аенда “Сетевая компания” ААҖ нең финанс-хуҗалык эшчәнлеге нәтиҗәләре каралды.

Утырыш тәмамланганда Илдар Халиков, 2013 нче ел “Сетевая компания”ААҖ өчен нәтиҗәле һәм уңай вакыйгаларга бай булды, дип белдерде, гомумән Директорлар советы рәисе компания эшчәнлеге нәтиҗәсен “бик яхшы” дип бәяләде.