Олимпия уты эстафетасы Татарстанда “Kazan Arena” стадионы янында тәмамланды

2013 елның 31 декабре, сишәмбе
Бүген Казанда олимпия утының Татарстан буйлап эстафетасы тәмамланды. Kazan-Arena стадионы янында олимпия уты касәсен кабыздылар. Бу чарада ТР Дәүләт Киңәшчесе Минтимер Шәймиев, Татарстан Президенты вазыйфаларын башкаручы Илдар Халиков, ТР Дәүләт Советы Рәисе Фәрит Мөхәммәтшин, Казан мэры Илсур Метшин катнашты.

Кичә олимпия уты Татарстанның Болгар һәм Зөя шәһәрләрендә булды. Бүген эстафета Универсиада авылы яныннан старт алды, Казанның үзәге һәм Казан Кремле аша узып, “Kazan Arena” стадионы янында туктады, монда махсус бәйрәм чарасы узды.

Олимпия уты эстафетасын Казанда стендка ату буенча атказанган спорт остасы Светлана Демина тәмамлады. Факел белән ул сәхнәгә менде һәм дәрәҗәле кунаклар белән бергә олимпия уты касәсен кабызды.

“2013 ел бөтен Россия өчен Универсиада елы булды, киләсе ел Олимпиада елы булачак. “Без нәкъ менә Яңа ел бәйрәмнәрендә 2014 елгы олимпия уты Казанда булу белән горурланабыз”, - дип белдерде Илдар Халиков.

Илдар Халиков олимпия уты эстафетасын оештыручыларга рәхмәт белдерде һәм барлык Татарстанлыларны Яңа ел белән котлады.

Олимпия уты Казаннан Ижевск шәһәренә китәчәк.

ТР Президенты матбугат хезмәте. Михаил Миронов
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International