Мәскәүдә “КАМАЗ-Мастер” командасын каршы алдылар

2014 елның 21 гыйнвары, сишәмбе
Бүген Мәскәүнең Шереметьево аэропортында “Дакар-2014” ралли-рейды җиңүчеләре – “КАМАЗ-Мастер” командасын тантаналы төстә каршы алдылар. Җиңүчеләрне Татарстан Премьер-министры Илдар Халиков, “Ростех” дәүләт корпорациясе башлыгы Сергей Чемезов, “КАМАЗ” ААҖ генераль директоры Сергей Когогин, ТР дан Дәүләт Думасы депутаты Әлфия Когогина һәм бик күп җанатарлар сәламләде.

“Татарстан Президенты Рөстәм Миңнеханов һәм үз исемемнән сезне җиңү белән котлыйм һәм уңышлар телим. Үзегезнең һәр җиңүегез белән сез, дөньяда иң яхшы пилот, механик, штурманнарның Россиялеләр булуын исбатлыйсыз”,- дип мөрәҗәгать итте Илдар Халиков җиңүчеләргә.

“Быел безнең алда зур җаваплылык булды, чөнки без үзебезнең чыгышыбыз белән спорт олимпия сезонын ачтык. Һәм без 12 нче тапкыр “Дакар” “алтынын” Россиягә алып кайтуыбыз белән бәхетле”,- дип белдерде команда җитәкчесе Владимир Чагин.

“Дакар-2014” тә Андрей Каргинов экипажы җиңүче булды. Өченче, дүртенче һәм бишенче урыннар шулай “Камазлылар”ның Эдуард Николаев, Дмитрий Сотников һәм Антон Шибалов экипажларына бирелде.

ТР Президенты матбугат хезмәте. Михаил Миронов
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International