Татарстан Республикасы Премьер-министры Илдар Халиковның Ленинградны блокададан тулысынча азат итүнең 70 еллыгы уңаеннан мөрәҗәгате

Татарстан Республикасы Премьер-министры Илдар Халиковның совет гаскәрләре тарафыннан Ленинградны немец-фашист блокадасыннан азат итүнең 70 еллыгы уңаеннан мөрәҗәгате
“Кадерле Татарстанлылар! Хөрмәтле Бөек Ватан сугышы ветераннары! Татарстан Республикасы Хөкүмәте исеменнән һәм шәхсән үз исемемнән сезне, совет гаскәрләре тарафыннан Ленинград шәһәрен немец-фашист блокадасыннан тулысынча азат итүнең 70 еллыгы уңаеннан, чын күңелдән котлыйм!
Невадагы герой-шәһәрне 900 көн оборонада тоту Россия тарихына гына түгел, ә бәлки бөтен дөнья тарихына Ватан сакчыларының батырлыгы, геройлыгы, ныклыгы символы буларак кереп калды.
Татарстанда бүген Ленинградны саклаучылар һәм блокадада калучылар арасыннан 331 Бөек Ватан сугышы ветераны яши. Алар – шул коточкыч көннәрнең гадәттән тыш авырлыкларын һәм югалтуларын кичергән кешеләр. Батырлыклары өчен без аларга чын күңелдән рәхмәтлебез һәм Туган илне азат итү өчен алар кичергән югалтулар һәм кыенлыкларның аз өлешен генә булса да тулыландыру өчен, безнең кулдан килгәннең барысын да эшләргә омтылабыз. Татарстан Республикасында яшәүче Бөек Ватан сугышы ветераннарының, шул исәптән Ленинградны саклаган һәм блокадада яшәгәннәрнең, тормышын яхшырту - Татарстанда тормышка ашырыла торган социаль сәясәтнең өстенлекле юнәлешләренең берсе.
Ул куркыныч сугышның залплары күптән бетте, ләкин шәһәрне саклаган һәм блокада боҗрасын өзгән, тыныч көннәргә кадәр яши алмаган, ләкин безнең йөрәкләрдә җиңүче булып калган кешеләр беркайчан да онытылмаячак.
Бәйрәм белән, кадерле ветераннар! Безнең тыныч күк йөзе өчен, азатлыкны һәм илебезнең бәйсезлеген яулаган өчен, рәхмәт сезгә. Нык сәламәтлек, бәхет һәм тыныч тормыш сезгә!”