РФ Президентының ИФОнда тулы вәкаләтле вәкиле Михаил Бабич Казан Ратушасында Россия Федерациясенең дәүләт бүләкләрен тапшырды
Россия Федерациясе Президентының Идел буе федераль округында тулы вәкаләтле вәкиле Михаил Бабич бүген Татарстан Республикасы министрлыклары, ведомстволары һәм предприятиеләре хезмәткәрләренә Россия Федерациясенең дәүләт бүләкләрен тапшырды.
Казан Ратушасында узган бүләкләү тантанасында Россия транспорт министры Максим Соколов, Татарстан Республикасы Президенты Рөстәм Миңнеханов, Казан мэры Илсур Метшин, шулай ук Халыкара студент спорты федерациясе (FISU) вәкилләре катнашты.
Россия Федерациясенең дәүләт бүләкләре Россия Президенты Владимир Путин Указы нигезендә Казанда XXVII Бөтендөнья җәйге универсиадасын уздыру нәтиҗәләре буенча бирелә.
Тантанада катнашучыларга мөрәҗәгать итеп, Михаил Бабич 2013 елгы Универсиада илдә узган иң эре халыкара вакыйгаларының берсе булуын ассызыклады. Универсиаданы тиешле дәрәҗәдә уздыру өчен Казан халкы, Татарстан республикасы җитәкчелеге, күпчелек министрлыклар һәм ведомстволар вәкилләре дә зур өлеш кертте, дип билгеләп үтте ул, Универсиада идеясе барлыкка килү белән аның узу вакытына хәтле бөтенесе шул чара дип яшәде. Казандагы Универсиада барлык яктан югары бәяләнде, дип әйтте Михаил Бабич. Татарстан Республикасы бик әйбәт спорт, социаль, транспорт инфраструктурасына ия булды, алар барысы да эшли, күпчелек объектларның ике төрле кулланышы бар – спорт һәм белем бирү.
РФ Президентының ИФОнда тулы вәкаләтле вәкиле шулай ук Универсиадага әзерлек дәверендә Казанда төзелгән объектлар инженер һәм технология ягыннан уникаль эшләнгән, һәм биредә җыелган тәҗрибә Сочида 2014 елгы кышыкы Олимпиадага әзерләнү дәверендә кулланыла. Инде хәзер төзүчеләр, белгечләр, юл төзүчеләр Олимпиада объектларында эшлиләр, дип искәртте Михаил Бабич.
РФ Президентының ИФОнда тулы вәкаләтле вәкиле Казандагы 2013 елгы җәйге Универсиадада эшләгән предприятиеләр, оешмалар коллективларына һәм аларның көне-төне шунда эшләгәнен түзгән гаиләләренә рәхмәтен белдерде.
Шуннан бүләкләү башланды.
Аерым алганда, IV дәрәҗә “Ватан алдындагы казанышлары өчен” ордены белән Казан мэры Илсур Метшин бүләкләнде.
Почет ордены белән Татарстан Республикасы Премьер-министры Илдар Халиков, Татарстан Республикасы яшьләр эшләре, спорт һәм туризм министры Рафис Борһанов бүләкләнделәр.
Дуслык ордены белән Татарстан Республикасы Премьер-министры урынбасары – Татарстан Республикасы Министрлар Кабинеты аппараты җитәкчесе Шамил Гафаров, ТР төзелеш, архитектура һәм ТКХ министры Ирек Фәйзуллин бүләкләнде.
II дәрәҗә “Ватан алдындагы казанышлары өчен” ордены медале белән Татарстан Республикасы Премьер-министрының беренче урынбасары А.В.Песошин, Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, “Рубин” футбол клубы” муниципаль автономияле учреждениесе генераль директоры Владимир Леонов (элек – “Казан шәһәрендәге 2013 елгы XXVII Бөтендөнья җәйге универсиадасы Башкарма дирекциясе” АКБО генераль директоры), Татарстан Республикасы юллар хуҗалыгы һәм транспорт министры Ленар Сафин, “Сетевая компания” ААҖ генераль директоры Илшат Фәрдиев һәм башкалар бүләкләнде.
“Россия Федерациясенең Атказанган төзүчесе” мактаулы исеменә “Казан” ҖТБ” ҖЧҖ генераль директоры Равил Җиһаншин, “Казметрострой” ААҖ генераль директоры Марат Рәхимов һәм башкалар лаек булды.
Россия Федерациясе Президенты Мактау грамотасы белән Татарстан Республикасы Президенты Аппараты Җитәкчесе руководитель Әсгать Сәфәров, Татарстан Республикасы икътисад министры Мидхәт Шаһиәхмәтов, “Татмедиа” ААҖ генераль директоры Фәрит ШаҺиәхмәтов бүләкләнде.
Татарстан Республикасы Президенты Рөстәм Миңнеханов үз чиратында Россия Федерациясе Президенты Владимир Путинга Казан шәһәрендәге Универсиаданы әзерләү һәм уздыру чорындагы эшне югары бәяләгәне өчен рәхмәт белдерде. “Бу гомумфедераль проект иде, - диде Рөстәм Миңнеханов җәйге Универсиада турында. – Без бу гаять олы мезанизмның бер бер шестернясе булдык, һәрберебез уртак эшкә хәленнән килгән кадәр өлеш кертте. Бу спорт кына түгел, бу транспорт инфраструктурасы да, кунакчыллык та, иминлекне тәэмин итү дә, катнашучыларны һәм кунакларны тукландыру да, күп кенә хезмәткәрләр инглизчә сөйләшергә өйрәнделәр – бу безнең Татарстан өчен имтихан булды, һәм без аны әйбәт бирдек”.
Ышанам ки, безнең тагын да әле мондый җитди проектлар булыр, диде Татарстан Республикасы Президенты, без җитди гыйлем җыйдык, бернинди югары уку йорты да мондый белем бирми, хәзер без үз тәҗрибәбезне һәм багланышларыбызны Красноярскка тапшырабыз – анда 2019 елгы кышкы Универсиада узачак.
Аннары Рөстәм Миңнеханов казанышларга ирешкән белгечләргә Татарстан Республикасы дәүләт бүләкләрен тапшырды – “Фидакарь хезмәт өчен” медальләре, “Татарстан Республикасы Атказанган табибе”, “Татарстан Республикасы Атказанган ТКХ хезмәткәре”, “Татарстан Республикасы Атказанган мәдәният хезмәткәре”, “Татарстан Республикасы Атказанган коткаручысы” мактаулы исемнәре һәм башкалар.
Россия Федерациясе Президентының Идел буе федераль округында тулы вәкаләтле вәкиле Михаил Бабич хәбәр иткәнчә, соңрак Татарстан Республикасы җитәкчеләренә Россия Федерациясенең ике дәүләт бүләге тапшырылачак (Россия Федерациясе Президенты Указына имза салынган). Михаил Россия Федерациясе Президентының Идел буе федераль округында тулы вәкаләтле вәкиле Михаил Бабич сүзләренчә, Татарстан Республикасы Дәүләт Киңәшчесе Минтимер Шәймиевкә (IV дәрәҗә “Ватан алдындагы казанышлары өчен” ордены) һәм Татарстан Республикасы Президенты Рөстәм Миңнехановка (Почет ордены) Владимир Путин шәхсән үзе тапшырачак.
Белешмә өчен: Россия Федерациясе һәм Татарстан Республикасы дәүләт бүләкләре белән бүләкләнгәннәрнең тулы исемлеге – пресс-релизда карагыз.