ТР Хөкүмәте Йортында Гадәттән тыш хәлләрне бетерү һәм кисәтү буенча комиссия утырышы узды

Бүген ТР Хөкүмәте Йортында Гадәттән тыш хәлләрне бетерү һәм кисәтү һәм янгын куркынычсызлыгын тәэмин итү буенча комиссия утырышы булды. Утырышны Татарстан Республикасының муниципаль районнары һәм шәһәр округлары белән видеоконфернцэлемтә режимында Комиссия рәисе – ТР Премьер-министры урынбасары Юрий Камалтынов уздырды. Көн үзәгендәге мәсьәлә- аномаль түбән температура вакытында Татарстан гражданнарының иминлеген тәэмин итү буенча өстәмә чаралар турында иде.

Ростов өлкәсендәге аномаль һава шартлары Татарстанга янамый. Киләсе атна башыннан температура күтәрелә башлый. Бу хакта Гидрометеорология һәм әйләнә-тирә мохит мониторингы идарәсе башлыгы Сергей Захаров хәбәр итте.
Аның сүзләренчә, гыйнварның өченче декадасы суык булды: аерым метеорология станцияләре температураның гыйнвар нормасыннан 11-12 градуска түбән булуын билгеләде. Гыйнварның өченче декадасында шундый ук һава торышы, 2000, 2006, 2010, 2012 елларда күзәтелгән. 2011 елның февраленең беренче декасында шундый ук һава торышы булган.

Бүген,Захаров хәбәр иткәнчә, республикада урыны белән бераз кар явуы көтелә, көндез иң югары температура 17-22 градус салкын, көнчыгышта – 25 градуска кадәр. Иң түбән температура 23-28 градус салкын тәшкил итәчәк, ә аязганда – 34 градуска кадәр. 1 февральдә көндез 19-24 градус салкын.
1 февральдән 2 февральгә каршы төндә температура 28-33 градуска кадәр төшәчәк, ә түбән урыннарда – 38 градуска кадәр. Якшәмбе явым-төшем көтелми. Көндез иң югары температура 17-22 градус салкын, көнчыгыш районнарда – 25 градуска кадәр.

Утырыш барышында Татарстан ЮХИДИ Идарәсе җитәкчесе Рифкать Миңнеханов доклад ясады. Ул хәбәр иткәнчә, шәхси состав республика юлларында ватылып калган йөк машиналары йөртүчеләренә ярдәм күрсәтә. Беренче чиратта, техниканы юл өстеннән кырыйга күчерү, машина йөртүчене һәм пассжирларны контрольдә тоту бурычы тора. Шулай ук автоинспекция хезмәткәре туктап калу һәм ватылу сәбәпләрен ачыкларга, машина йөртүче турында мәгълүматны кизү частьтына тапшырырга, шулай ук машина йөртүчегә, ярдәм сорап мөрәҗәгать итү мөмкин булган телефон номерларын белдерергә тиеш.
Бүгенге көндә республика һәм федераль дәрәҗәдәге юлларда ЮХИДИ нең район бүлекчәләре экипажлары белән бергә көндез ЮХИДИ Юл-патруль хезмәте полкының аерым батальоныннан 32 экипаж көндез, төнлә – 18е кизү тора. Республика юлларында нигездә батальон экипажлары эшли.