Татарстан Республикасының Премьер-министры вазыйфаларын башкаручы Алексей Песошин Татарстанлыларны Ватанны саклаучылар көне белән котлады

Ватанны саклаучылар көне белән Татарстанлыларны Татарстан Республикасы Премьер-министры вазыйфаларын башкаручы Алексей Песошин котлады.
“Хөрмәтле Татарстанлылар! Татарстан Республикасы Хөкүмәте һәм шәхсән үз исемемнән сезне Ватанны саклаучылар көне белән котлыйм,-диелә котлау текстында. – 23 февральне Россия халкы иң яраткан бәйрәмнәрнең берсе буларак бәйрәм итә. Бу көндә данлыклы традицияләрне тагын да арттыручыларны хөрмәтлиләр һәм Ватанның бәйсезлеге һәм тынычлык өчен гомерләрен биргәннәрнең барысын да хөрмәт белән искә алалар.
Бездә һәр гаилә диярлек армия белән бәйле. Безнең миллионлаган гражданнарыбыз армия хезмәтен узган, аларның күпчелеге өчен ул батырлык мәктәбе.
Россия Федерациясе Кораллы Көчләре һәм сугыш ветераннарына аерым рәхмәт. Күп тапкырлар безнең халкыбыз өстенә төшкән авыр сынау елларында армия һәм флот хәрбиләре һәрвакыт геройлык, Ватанга чиксез мәхәббәт һәм хәрби бурычларына тугрылык күрсәттеләр.
Үзләренең хәрби бурычларын Әфганстанда, Төньяк Кавказда үтәгән, Ватаннан читтә тынычлык өчен хәлиткеч бурычлар үтәүчеләр ихлас хөрмәткә лаек. Чернобыль авариясендә, һәм башка гадәттән тыш хәлләрдә кешеләрне коткарган, бүгенге көндә ерак гарнизоннарда, диңгез походларында, хәрби дежурстволарда хезмәтләрен алып баручы Татарстанлылар да алар белән бер сафта.
Безнең республика оборона сәләтен ныгытуга зур өлеш кертә. Татарстанда яшьләрне патриотик рухта тәрбияләү өчен күп эшләр эшләнә. Туган җиргә мәхәббәт, хезмәт ярату, традицияләргә тугрылык – бу сыйфатлар һәрвакыт республиканың күп милләтле халкына хас булды. Барлык хәрби хезмәткәрләргә һәм хәрби хезмәт ветераннарына тынычлык, нык сәламәтлек, уңышлар, оптимизм һәм киләчәккә ышаныч булуны телим.
Татарстан Республикасы Премьер-министры вазыйфаларын башкаручы Песошин А.В.”.