Бүген “КАМАЗ”да компания идарәсе рәисе доктор Дитер Цетче җитәкчелегендәге Даймлер АГ делегациясе булды

2009 елның 12 феврале, пәнҗешәмбе
Бүген “КАМАЗ”да компания идарәсе рәисе доктор Дитер Цетче җитәкчелегендәге Даймлер АГ делегациясе булды.
Кунаклар “КАМАЗ-Дизель” автомобиль заводының төп конвейерында, “КАММИНЗ-КАМА”ның уртак предприятиесендә - тимерчеләр заводында булдылар. “КАМАЗ”ның фәнни-техник үзәгендә Германиядән килгән партнерлар җитештерелә торган автомобильләрнең модельләре белән таныштылар.
Аннары Даймлер АГ ның топ-менеджерлары “КАМАЗ” җитәкчелеге белән фикер алышты. Бу очрашуда Татарстан Республикасы Премьер-министры Рөстәм Миңнеханов катнашты.
“КАМАЗ”га баруына нәтиҗә ясап, партнер компания идарәсенең рәисе доктор Дитер Цетче түбәндәгеләрне әйтеп китте: предприятие белән беренче танышу аңарда Даймлер-Крайслер компаниясенең, автогигант акцияләренең бер өлешен сатып алып, дөрес адым ясаганлыгына ышаныч тудырган. Хәзер, дәрәҗәле кунак фикеренчә, алдагы уртак эшләрне мөмкин кадәр кыюрак башкарырга кирәк.
“КАМАЗ” ААҖ нең матбугат хезмәте
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International