Казанда ЗАГС органнары җитәкчеләренең бөтенроссия киңәшмәсе ачылды

Бүген Казанда РФ субъектлары башкарма хакимиятенең ЗАГС органнары җитәкчеләре белән бөтенроссия киңәшмәсе ачылды. Беренче утырышта Татарстан Премьер-министры Илдар Халиков катнашты.

Россия Федерациясе субъектлары башкарма хакимиятенең ЗАГС органнары җитәкчеләре белән гражданлык хәле актларының дәүләт теркәвен камилләштерү мәсьәләләре буенча бөтенроссия киңәшмәсе 2-3 апрель көннәрендә РФ Юстиция министрлыгы тарафыннан уздырыла.

Киңәшмәдә РФ Юстиция министрлыгы вәкилләре, Россия Федерациясе субъектлары башкарма хакимиятенең ЗАГС органнары җитәкчеләре катнашты.

Киңәшмәдә бүгенге көн этабында гражданлык хәле актларын дәүләт теркәве өлкәсендәге эшчәнлекне камилләштерү, ЗАГС органнарының ведомствоара үзара мәгълүмати бәйләнешләрен гамәлгә ашыруда катнашуы, гражданлык хәле актларын дәүләт теркәве буенча электрон төрдә хезмәтләр күрсәтү мәсьәләләре каралачак.

Киңәшмә программасына Татарстанның гражданлык хәле актларын дәүләт теркәвендә вәкаләтле булган органнарны мәгълүматлаштыру өлкәсендә Татарстан тәҗрибәсе, республиканың ЗАГС органнары системасында “Электрон Татарстан” республика максатчан программасын тормышка ашыру тәҗрбәсе, ведомствоара хезмәттәшлек, гражданлык хәле актларын дәүләт теркәве буенча электрон төрдәге хезмәтләр белән танышу керә.

РФ Юстиция министры урынбасары Елена Борисенко киңәшмәне ачып, мондый киңәшмә узган елда Санкт-Петербургта үткәрелгәнен билгеләп үтте. “Киңәшмәдә катнашучыларның барысына да Татарстандагы эш тәҗрибәсе белән танышу кызыклы булыр дип уйлыйм. Нәтиҗәле мәгълүмати алмашуны оештыру – ул Татарстанда безгә иң кызыклы булган тәҗрибә”, - дип белдерде Елена Борисенко.

Илдар Халиков үз чиратында, Казанда мондый чараны кабул итүгә республика җитәкчелегенең шат булуын белдерде. “Безнең үз тәҗрибәбез белән уртаклашасыбыз, һәм башка төбәкләрдәге коллегаларыбызның тәҗрибәсен аласыбыз килә”, дип белдерде ул.
ТР Хөкүмәте башлыгы хәбәр иткәнчә, Татарстанда 2013 нче елда 160 меңнән артык гражданлык хәле актлары теркәлгән. Республиканың ЗАГС органнары алдында автоматизация системаларын киңәйтү буенча бурычлар тора. “Сүз агымдагы эшчәнлекне автоматлаштыру турында гына түгел, алдагы чорларның базасын формалаштыру турында да бара”, - дип ассызыклады Илдар Халиков.

Илдар Халиков хәбәр иткәнчә, соңгы 5 елда республика бюджеты хисабына республиканың муниципаль берәмлекләрендә 20 ЗАГС бүлеге яңа биналарга урнашкан. Электрон рәвештә Татарстанда күп эшләр эшләнә һәм дәүләт хезмәтләре күрсәтелә. Республикада ай саен электрон төрдә 2,5 млн хезмәт күрсәтелә. “Бу модага иярү түгел, бәлки республикада яшәүчеләр өчен уңайлылыкны арттыру ысулы”, - дигән ышаныч белдерде Илдар Халиков.

Ул киңәшмәдә катнашучыларга Казанда нәтиҗәле эшчәнлек теләде һәм аларны республика башкаласына тагын килергә чакырды.