Илдар Халиков төбәкләрнең язгы ташу һәм янгын куркынычы булган чорга әзерлеге турында селектор киңәшмәсендә катнашты

Бүген Татарстан Республикасы Премьер-министры Илдар Халиков төбәкләрнең язгы ташу һәм янгын куркынычы булган чорга әзерлеге турында бөтенроссия селектор киңәшмәсендә катнашты.

Бу чара видеоконференцэлемтә режимында узды. Казанда трансляция Казан Кремлендә ТР Президенты резиденциясеннән оештырылган иде.

Селектор киңәшмәсен федерация субъектлары белән Россия Хөкүмәте рәисе Дмитрий Медведев уздырды.

Дмитрий Медведев хәбәр иткәнчә, фаразлаулар буенча хәзерге вакытка су басу куркынычы булган зонага 4,5 мең торак пукт керә. Апрельдә су басу илнең европа территориясендә һәм азия территориясенең көньяк өлешендә, аннан соң, апрель-майда азия өлешендә һәм Ерак Көнчыгышта көтелә.

Урманнардагы янгыннарга килгәндә, аларның саны ел башыннан 500 гә җиткән. Янгыннарның төп өлеше Приморье краена туры килә – 85%. Барлыгы янгын куркынычы зонасына 7 мең торак пункт керә, дип белдерде Дмитрий Медведев.

Без иң катлаулы чорга керәбез, барлык хезмәтләрнең дә әзерлеге югары дәрәҗәдә булырга тиеш, дип ассызыклады ул.

Җавплылыкның төп өлеше төбәкләргә төшә, бары тик төбәк җитәкчеләренең шәхси җаваплылыгы бурычларның намуслы башкарылуын тәэмин итәчәк, дип белдерде РФ Хөкүмәте рәисе.