Быел Татарстан Республикасында 15 Татарстанлы альтернатив гражданлык хезмәтенә җибәреләчәк

2014 елның язында 15 Татарстанлы альтернатив гражданлык хезмәтенә җибәреләчәк. Бу хакта бүген Татарстан Республикасы Министрлар Кабинетында узган брифингта ТР хәрби комиссары генерал-майор Сергей Погодин хәбәр итте.
Брифинг язгы чакырылыш кампаниясенә багышланган иде.

Аерым алганда, аларның 7се Казанда “Татарстан почтасы”нда, 2се Чиләбедә өлкә клиник хастаханәсендә, 1әр кеше Чиләбедә өлкәсенең 3 нче клиник хастаханәсендә, Казандагы сугыш ветераннары госпиталенда, Киров шәһәренең Оричи бистәсендәге гаиләгә һәм балаларга социаль ярдәм үзәгендә, Түбән Новгородның махсуслаштырылган кардиохирургия клиник хастаханәсендә һәм Н.А.Семашко исемендәге өлкә клиник хастаханәсендә, Невинномысск каласындагы химия колледжында хезмәт срогын узачак.

Шул рәвешле, 15 егетнең 8е Казанда кала, 3есе Чиләбегә, 2се Түбән Новгородка, тагын 1әр Татарстанлы Невинномысск каласына һәм Киров шәһәренең Оричи бистәсенә китәчәк.

ТР хәрби комиссары генерал-майор Сергей Погодин шулай ук хәрби хезмәттән качып йөрүчеләр белән җитди эш алып барылганы турында сөйләде. “Кайберләре административ җәзага, алар меңнән артык, 12 кеше җинаять җаваплылыгына тартылды”, дип ачыклады ул.

Татарстан Республикасы җыелу пунктыннан гаскәрләргә җибәрү 14 майда башланачак.