Татарстан Премьер-министры “АМиК” телевизион иҗат берләшмәсе генераль директоры белән очрашты

Бүген Татарстан Республикасы Премьер-министры Илдар Халиков “АМиК” телевизион иҗат берләшмәсе генераль директоры Александр Масляков белән очрашты. ТР Хөкүмәте йортында узган очрашуда шулай ук ТР яшьләр эшләре һәм спорт министры Рафис Борһанов һәм “Бердәм Россия” БСП ТТБ башкарма комитеты җитәкчесе Андрей Кондратьев катнашты.

“КВН-2014" I Халыкара берлеге форумының нәкъ менә Казанда узуы – куанычлы хәл”, - дип белдерде Александр Масляков. “АМиК” телевизион иҗат берләшмәсе генераль директоры бүген “Пирамида” мәдәни-күңел ачу комплексында форум кысаларында КВН Халыкара берлегенең Югары, Премьер, Беренче һәм Үзәк лигалар командалары катнашында гала-концерт булачагын искә төшерде.

Форумда республикадан ике коллектив катнашачак: КВН Халыкара берлегенең Беренче лигасы ярымфиналистлары – Татарстан Республикасының ”Мәҗлес алып баручылар” КВН җыелма командасы һәм 2014 елгы сезонда катнашучы “Татнефть” ААҖ нең КВН Халыкара берлеге Премьер лигасының “Хәерле кич ” җыелма командасы (Әлмәт шәһәре).

Александр Масляков КВН Халыкара берлеге форумы алдагы елда да Казанда узар, дигән ышаныч белдерде.

Татарстан Премьер–министры үз чиратында, Татарстан өчен КВН – ул шоу-бизнес кына түгел, ә бик күп иҗади сәләтле кешеләрне берләштерүче зур хәрәкәт, дип белдерде.