Бүген Чаллыда милли бәйрәм – Сабан туен бәйрәм итәләр

2014 елның 12 июне, пәнҗешәмбе
Бүген Чаллыда Сабан туен бәйрәм итәләр. Сабантуйның тантаналы ачылышында бәйрәмгә килүчеләрне ТР Премьер-министры Илдар Халиков һәм Чаллы шәһәре мэры Васил Шәйхразиев котладылар.
Илдар Халиков Чаллы халкына ТР Президенты Рөстәм Миңнехановның котлавын тапшырды. “Чаллы Сабантуенда катнашучыларга һәм кунакларга чын күңелдән кызыклы ярышлардан уңай тәэсирләр алуларын телим”, диелә Президент котлавында.

Сабан туе флагын Универсиада-2013 чемпионы Ринат Әхмәтшин һәм “Сабан туе гүзәле-2014” шәһәр конкурсында җиңүче Алинә Хисмәтуллина күтәрде.

Сабантуй – ул хезмәт, дуслык һәм халыклар бердәмлеге бәйрәме. Бу бәйрәмдә иң алдынгы хезмәтчәннәрне котлау борынгыдан килә. Бүген дә мәйдан сәхнәсенә дәүләт бүләкләренә лаек булучыларны чакырдылар.

“Гасырлар авазы” исемле музыкаль композиция Сабантуй программасының иң матур өлеше булды. Сәхнәләштерелгән күренешнең сюжеты кечкенә кызчык белән әби арасында барган халыклар мәдәнияты турындагы диалогка корылган. Бу композиция тагын бер кабат, Чаллы шәһәре мәдәниятының, 80 нән артык гадәт һәм йолаларны берләштерүче уникаль мәдәният булуын күрсәтте. “Мәйдан” сүзе Чаллы халкы өчен – ул зур бәйрәм, күңел ачу һәм җырлап-биеп ял итү.

ТР Президенты матбугат хезмәте
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International