“Генерирующая компания” ААҖ Директорлар советы өстенлекле проектларны гамәлгә ашыру мәсьәләләрен карады

Бүген Татарстан Республикасы Хөкүмәтте йортында “Генерирующая компания” ААҖ Директорлар советының чираттагы утырышы булды.
Ул Татарстан Республикасы Премьер-министры Илдар Халиков рәислегендә узды.

Барыннан да элек процедура мәсьәләләре каралды.“Генерирующая компания” ААҖ Директорлар советының яңа составын сайлауга бәйле рәвештә, Совет вәкилләренә компаниянең Директорлар советы рәисен һәм секретарен сайларга тәкъдим ителде. Рәис итеп кабат ТР Премьер-министры Илдар Халиков, секретаре итеп компаниянең корпоратив идарә бүлеге баш белгече Эдитта Шигаева сайланды. Утырышта катнашучылар якындагы елга Директорлар советы эше планын расладылар һәм совет әгъзаларының функциональ вазыйфаларын билгеләделәр.

Процедура мәсьәләләреннән тыш, утырышта катнашучылар компаниянең өстенлекле проектларын гамәлгә ашыру буенча чаралар планын карадылар. Алар арасында: Казан ТЭЦ-2даПГУ 220 МВт төзелеше, аны файдалануга тапшыру киләсе елның 1 нче гыйнварына планлаштырылган; Алабуга ТЭЦда ПГУ 230 МВт төзелеш проекты: бу проект буенча төп җиһазлар әзерләнгән һәм саклауга кабул ителгән.

Казан ТЭЦ-1 территориясендә яңа станция төзү проекты буенча шулай ук актив эш бара. Аны гамәлгә ашыру өчен, ДПМ күчерү варианты карала. Компаниянең икенче мөһим проекты – Зәй ГРЭСн реновацияләү.