Марат Әхмәтов: 2014 елның гыйнвар-июнендә тулай авыл хуҗалыгы продукциясе Татарстанда 64 млрд сум тәшкил итте

Татарстан Республикасы өчен катлаулы һәм корылык булган 2009 елдан 2013 елга кадәр республика предприятиеләренең югалтуы 50 млрд сум тәшкил итте. Бу хакта бүген Татарстан Республикасында терлекчелекне үстерү һәм аның торышы мәсьәләләре буенча булган республика киңәшмәсендә ТР Премьер-министры урынбасары- ТР авыл хуҗалыгы һәм азык-төлек министры Марат Әхмәтов хәбәр итте.

Киңәшмәне Россия авыл хуҗалыгы министры Николай Федоров уздырды, ул Татарстанга ике көнлек эшлекле очрашуга килгән иде.
Киңәшмә кош ите җитештерүче компанияләрнең берсе – “Чаллы-бройлер” ҖЧҖ (Чаллы ш.) территориясендә узды.
Киңәшмә эшендә Татарстан Республикасы Премьер-министры Илдар Халиков катнашты.

Киңәшмә башланганчы Николай Федоровка “Чаллы-бройлер” җитәкчелеге вәкилләре предприятие буйлап кыска экскурсия уздырдылар. Предприятиенең җитештерү күләме 2014 елга тере үлчәмдә 106 мең тонна кош ите тәшкил итә.

Марат Әхмәтов киңәшмә барышында төп доклад белән чыгыш ясаганда, Татарстан Республикасында 2014 елның гыйнвар-июнендә авыл хуҗалыгы тулай продукциясе 64,0 млрд сум тәшкил итте, дип хәбәр итте.

Үткән елның шушы чорына авыл хуҗалыгы продукциясе производствосы индексы 100,1 процент тәшкил иткән. Барлык категориядәге сөт 864,4 мең т җитештерелгән, 245,1 мең т терлек һәм кош үстерелгән, авыл хуҗалыгы предприятиеләрендә бер сыердан савым 2339 кг булган. 2014 нче елның беренче яртыеллыгында авыл хуҗалыгы предприятиеләрендә һәм КФХда акчалата табыш 30,7 млрд. сум булган (үткән елга 117 процент). Аның 4,3 млрд. сумы дуңгыз итенә туры килгән (14 процент), мөгезле эре терлек - 3,99 млрд. (13), кош ите - 6,14 млрд. (20), сөт - 9,82 (32), үсемлекчелек - 3,68 (12), йомырка - 1,23 млрд. сум (4) һ.б.

Марат Әхмәтов билгеләгәнчә, 2014 нче елның 1 нче июленә булган мәгълүмат буенча Татарстанда 1 млн. 69 мең баш мөгезле эре терлек исәпләнелә, 536 мең дуңгыз, 408 мең сарык һәм кәҗә, 16,4 млн. баштан артык кош.

Республикада терлек азыгын әзерләү тулы куәт белән бара. Бүгенгә шартлы 1 баш терлеккә 10 ц дан артык терлек азыгы әзерләнгән.

Марат Әхмәтов терлекчелек өлкәсендәге проблемалар турында җентекләбрәк сөйләде.