Татарстан Премьер-министры сәләтле балалар өчен Саба интернат-мәктәбендә булды

2014 елның 15 августы, җомга
Татарстан Республикасы Саба муниципаль районының сәләтле балалар өчен урта гомуми белем бирү интернат-мәктәбендә 150 кеше укый.
Бу хакта бүген Татарстан Республикасы Премьер-министры Илдар Халиков сәләтле балалар өчен Саба интернат-мәктәбендә булганда хәбәр итте.

Бу мәктәп 2013 елның июлендә оештырылган иде. Ул Байлар Сабасы поселогында, гомуми мәйданы якынча 5 мең кв. м. булган ике катлы бинада урнашкан. Мәктәптә уку кабинетлары, китапханә, спорт залы, медицина кабинеты, ашханә, компьютер классы бар.

Илдар Халиковка укыту процессы барышында ирешелгән уңышлар турында сөйләделәр. Математикадан БДИ нәтиҗәләре буенча мәктәп республика буенча иң яхшылар рәтенә кергән һәм математика кабинеты алуга сертификат белән бүләкләнгән. Олимпиадаларда төбәк этабында мәктәп укучылары дүрт призлы урынны, республика буенча өч призлы урынны, рус теле буенча халыкара олимпиадада бер призлы урынны яулаган.

Саба районына эшлекле сәфәре кысаларында Илдар Халиков һәм аны озата йөрүчеләр “Мәгарифтә мәгълүмат технологияләре” күргәзмәсен карадылар.

ТР Президенты матбугат хезмәте, Елена Бритвина.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International