Илдар Халиков Юхмачы авылында күп функцияле мәдәни үзәк ачылышында катнашты

Татарстан Республикасы Премьер-министры Илдар Халиков бүген Әлки муниципаль районының Юхмачы авылында күп функцияле мәдәни үзәк ачылышында катнашты.

Бу чарада шулай ук Татарстанның мәдәният министры Айрат Сибагатуллин, РФ Дәүләт Думасы депутаты Айрат Хәйруллин катнашты.

“Юхмачы авылы халкы өчен бүгенге көн бик шатлыклы, чөнки яңа мәдәният йорты ачыла. Бөтен уңайлыклары булган яңа бинада авылның мәдәни тормышы тагын да күңеллерәк булыр”, - дип белдерде үзенең чыгышында Әлки муниципаль районы башлыгы Фердинат Дәүләтшин.

Бу вакыйга белән Юхмачы авылы халкын Илдар Халиков та котлады.
“Бүген ишекләрен ачучы күп функцияле үзәк сезгә озак хезмәт итсен, авылның чын мәдәният үзәгенә әйләнсен”, - диде ул.

Яңа бинаны төзүче “Строитель и К” оешмасы җитәкчесе Рәшит Мөхәммәтшин мәдәният йорты җитәкчесе Наилә Хәсәновага символик ачкыч тапшырды.

Аннан соң Илдар Халиков Базарлы Матак авылында Әлки районы активы белән очрашты.