Илдар Халиков Чаллы шәһәре башкарма комитетының яңа башлыгын тәкъдим итте

Бүген Чаллыда Шәһәр советының чираттан тыш сессиясе узды. Анда шәһәр Башкарма комитеты җитәкчесе Фәрхать Латыйповның һәм шәһәр мэры Васил Шәйхразиевның вәкаләтләре вакытыннан алда туктатылу мәсьәләсе каралды. Утырышта республика Премьер-министры Илдар Халиков катнашты һәм ул башкарма комитетның яңа җитәкчесен тәкъдим итте.

Элеккеге мэр Васил Шәйхразиев: “2010 елның 22 апрелендә Илдар Халиков ТР Премьер-министры вазыйфасына киткәндә, миңа рәхмәт белдерде. Мин шулай ук Фәрхать Латыйповка эш өчен рәхмәт белдерәсем килә”. Фәрхать Латыйповка “Чаллы шәһәре алдындагы хезмәтләре өчен” билгесе, шулай ук ТР Президенты Рәхмәт хаты тапшырылды.
“Фәрхать Латыйпов Наил Мәһдиевка эшкә кереп китәргә ярдәм итәчәк”, - диде Илдар Халиков.

Бу вазыйфага билгеләгәнче, шәһәр башкарма комитеты структурасына үзгәрешләр, ягъни шәһәр башкарма комитеты җитәкчесенең беренче урынбасары вазыйфасы кертелде.

Соңгы елларда Наил Мәһдиев инженер-механиктан урман хуҗалыгына кадәр хезмәт юлын узды. Ул шулай ук Бөгелмә районы һәм Бөгелмә шәһәре башлыгы булды. 2010 елның 22 апреленнән алып хәзерге вакытка кадәр ТР урман хуҗалыгы министры вазыйфасын башкарды.