Татарстан Премьер-министры Илдар Халиков "Бердәм Россия" партиясенең иҗтимагый кабул итү бүлмәсендә гражданнарны кабул итте

Бүген Татарстан Республикасы Премьер-министры Илдар Халиков "Бердәм Россия" партиясе рәисе Дмитрий Медведевның ( Казан, Карл Маркс ур. 31/7) төбәк иҗтимагый кабул итү бүлмәсендә гражданнарны кабул итте.

Кабул итүгә язылганнар исемлегендә беренче Казанда яшәүче Андрей Траншкин иде. Ул үзенең инвалид баласын (ДЦП) бүлмә кресло-коляскасы һәм санитар җиһазландырылган урындык белән тәэмин итүне сорап мөрәҗәгать итте. Андрей Траншкин бу сорау белән ТР Хезмәт, мәшгульлек һәм социаль яклау министрлыгына, социаль яклау органнарына мөрәҗәгать итүен хәбәр итте. Законда инвалид балаларны кресло-коляска белән тәэмин итү каралган. Андрей Траншкин аның баласы өчен индивидуаль коляска кирәк, ә социаль яклау органнары стандарт коляскалар тәкъдим итә, дип ачыклады (мондый товарлар белән тәэмин итүгә тендерда җиңеп чыккан компания җитештергәнне). Илдар Халиков бу мәсьәләне хәл итү өчен иганәчеләр акчаларын җәлеп итәргә тәкъдим итте, чөнки индивидуаль коляска бәясе стандарт җиһазлардан күпкә югары.

Кабул итүгә икенче булып Казанда яшәүче Игорь Сафиуллин язылган иде, ул яшәгән күп фатирлы торак йортта ремонттан соң түбәдән су үтә икән (ул йортның соңгы катынды яши). Игорь Сафиуллин ЖЭУ һәм идарәче компаниягә мөрәҗәгать итүен белдерде, ләкин проблема ачыкланганга дүрт ай вакыт узса да, үзгәреш булмаган. Бу ашыгыч мәсьәлә, дип белдерде Илдар Халиков һәм Себер трактындагы 26 йортка түбәдән су үтү сәбәпләрен бетерү өчен ремонт бригадасын җибәрү турында йөкләмә бирде.

Казанда яшәүче Елена Иванова Нокса авышлыгында "яткан полицейский", "җәяүлеләр чыгу юлы” билгесен урнаштырырга, шулай ук җайга салынмый торган җәяүлеләр юлында тамга ясауны сорап мөрәҗәгать итте.
Илдар Халиков булган проблемаларга игътибар өчен рәхмәт белдерде, ТР Премьер-министры чара күреләчәк һәм урам чатында "җәяүлеләр чыгу юлы" билгесе урнаштырылачагын, ә яз көне юл чатында тиешле юл тамгасы (“зебра”) ясалачак, дип хәбәр итте. Моннан тыш, Илдар Халиков фикеренчә, проблемалы юл чатында вакытлыча ЮХИДИ хезмәткәрләре постын урнаштырырга мөмкин.


Соңгы сорау белән Тихон Чумаков, Яшел Үзәннең Карл Маркс урамында урнашкан торак йортның подъездын ремонтлау турында мөрәҗәгать итте. Аның хәбәр итүенчә, торак йорт социаль ипотека программасы буенча төзелгән, подъездда ярык барлыкка килгән, шуның нәтиҗәсендә стенаның бер өлеше җимерелергә мөмкин. Бу йортта яшәүчеләр төрле инстанцияләргә мөрәҗәгать иткәннәр, ләкин нәтиҗәсе юк. Илдар Халиков бу йортка мәсьәләне тикшереп, чара күрү өчен комиссия җибәрү турында йөкләмә бирде.