Татарстанның Балык Бистәсе районында реконструкцияләнгән подстанция ачылды

2014 елның 16 декабре, сишәмбе
Бүген Татарстанның Балык Бистәсе районында “Котлы-Бөкәш” 220 кВ подстанциясенең реконструкциядән соң тантаналы ачылышы узды. Ачылыш тантанасында ТР Премьер-министры Илдар Халиков катнашты.

2013 елдан 2014 елга кадәр “Котлы-Бөкәш” подстанциясе заманча энергия нәтиҗәле һәм экологик җиһазлар кулланып реконструкцияләнә. Шуның белән бергә реконструкцияләү подстанцияне эшләүдән туктатмыйча алып барыла.

Шулай ук территориядә кирәкле җиһазлар һәм уңайлы хезмәт шартлары белән яңа җитештерү базасы булдырылган. Реконструкцияләүнең гомуми бәясе “Сетевая компания” ААҖ инвестиция программасының 1 млрд сумнан артыгын тәшкил иткән.

Илдар Халиков энергетикларны бу вакыйга белән котлады. “Энергетиклар алдына куелган теләсә нинди бурыч үз вакытында башкарыла, һәм бүгенге вакыйга шуны раслый, - дип белдерде ул. – Эшләп торган подстанцияне реконструкцияләү гади генә булмады, әмма хәзер халык энергия белән тәэмин итүнең тотрыклы булуына ышана ала”.

ТР Хөкүмәте башлыгы энергетикларны якынлашып килүче һөнәри бәйрәмнәре һәм Яңа ел белән котлады, төзүчеләргә һәм подстанция хезмәткәрләренә бүләкләр тапшырды. Аннан соң Илдар Халиков “Сетевая компания” ААҖнең директорлар советы утырышын уздырды.
ТР Президенты матбугат хезмәте. Михаил Миронов
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International