Татарстанда быел БДИ уздыру пунктларының саны кими

2015 елның 20 гыйнвары, сишәмбе
2015 елда Татарстанда узган ел белән чагыштырганда БДИ уздыру пунктларының саны кими. Быел алар 96 урында ачык булачак. Бу хакта бүген ТР Министрлар Кабинетында узган брифингта ТР Премьер-министры урынбасары - ТР мәгариф һәм фән министры Энгель Фәттахов сөйләде.

2014 елда БДИ уздыру өчен мәктәп базаларында барлыгы 105 имтихан тапшыру пункты әзерләнгән. Шуларның 101е мәҗбүри имтихан үткәргәндә файдаланылган.

“Мәгариф өлкәсендә күзәтчелек федераль хезмәте кушуы буенча 2015 елда Россия төбәкләрендә видеотрансляция белән аудиторияләрне 80 %ка кадәр арттыру планлаштырыла. Ләкин без Татарстанда имтихан уздыру пунктларын видеокүзәтү белән 100% тәэмин итүне планлаштырабыз”, - дип билгеләде республиканың фән һәм мәгариф министры.

Моннан тыш, үзгәрешләр имтихан материалларын бирүгә дә кагыла. Узган ел аларны ТР Дәүләт имтихан комиссиясе әгьзалары Махсус элемтә идарәсендә имтихан буласы көнне ала. 2015 елда имтихан материалларын имтихан уздыру пунктына идарә хезмәткәрләренең китерүе планлаштырыла.

Узган ел республикада 11 сыйныфны тәмамлаучыларның саны 19 мең 585 булса, быел аларның саны 18 мең 701 булыр дип көтелә.
“Татар-информ” МА
ВИДЕОРЕПОРТАЖ
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International