Илдар Халиков ЗАГС идарәсе коллегиясендә электрон дәүләт хезмәтләре өлкәсендә яңа бурычлар билгеләде

2015 елда Татарстанда туу һәм үлемнәрне теркәүне ведомствоара хезмәттәшлек системасы аша тулысынча электрон формага күчерү кирәк. Мондый бурычны бүген республиканың ЗАГС органнары, ТР Сәламәтлек саклау министрлыгы, ТР Мәгълүматлаштыру һәм элемтә министрлыгы, хакимиятнең муниципаль органнары алдына, Татарстан Премьер-министры Илдар Халиков, ТР Министрлар Кабинетының ЗАГС идарәсе коллегиясе утырышында чыгыш ясаганда куйды.

Утырыш 2014 елда республикада гражданлык хәле актларын дәүләт теркәве буенча эшчәнлек нәтиҗәләренә һәм 2015 елга куелган бурычларга багышланган иде.

Премьер-министр ассызыклаганча, гражданлык хәле актларын теркәүнең иң күбесе – бу туу һәм үлем актларын теркәү. Авыл муниципаль берәмлекләре башкарма комитетларында мондый теркәүләрнең өлеше 90-95 % тәшкил итә. 99% туу дәүләт сәламәтлек саклау учреждениеләрендә була, 100% үлем дәүләт органнары тарафыннан теркәлә. Шуңа күрә, электрон формада теркәү кирәк, диде ТР Хөкүмәте башлыгы.

“Без 2015 елда күпчелек алга киткән иллләрдә булган бу яхшы традицияне гамәлгә кертергә тиеш”,- дип белдерде Илдар Халиков.

ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов билгеләгәнчә, бүгенге көнгә гажданлык хәле актларын дәүләт теркәве буенча хезмәтләр ТР электрон дәүләт һәм муниципаль хезмәтләр системасында иң популяр санала.

ТР Министрлар Кабинетының ЗАГС идарәсе башлыгы Альбина Шаһивәлиева сүзләренчә, 2014 елда Татарстанның ЗАГС органнары тарафыннан 161 мең 783 гражданлык хәле актлары теркәлгән. Узган ел республикада 57 мең 263 туу турында акт теркәлгән. Ләкин узган ел үлемне теркәү актлары саны 1,3%ка арткан, бу күрсәткеч 47 мең тәшкил иткән.

2014 елда республикада 32 мең 547 өйләнешүчеләр теркәлгән ( узган елга караганда 3,1%ка күбрәк), аерылышучылар саны 3,8%ка кимегән һәм 15 мең 106 тәшкил иткән.