Лаеш районында Бөек Ватан сугышында һәлак булган солдат мәетен күмүгә багышланган матәм митингысы узды

Бүген Татарстан Республикасы Премьер-министры Илдар Халиков Бөек Ватан сугышында һәлак булган солдат мәетен күмүгә багышланган матәм митингысында катнашты.

Бу чарада Федераль суд приставлары хезмәте директоры – Россия Федерациясенең баш суд приставы Артур Парфенчиков катнашты.

Матәм митингысы Лаеш районының Тарлаш авылында узды.

Артур Парфенчиков һәлак булган солдат мәетен таба алган һәм аның шәхесен ачыклый алган эзләүчеләргә рәхмәт белдерде. Йөзләрчә солдат мәетләре арасында һәлак булган солдатның фамилиясен ачыклый алу, үзе зур бәхет, диде ул.

Үз чиратында, Илдар Халиков ТР Президенты исеменнән, шәхсән үз исеменнән һәм барлык татарстанлылар исеменнән, Бөек Ватан сугышында һәлак булган солдатларны эзләү белән шөгыльләнүче отряд җитәкчесе буларак, Артур Парфенчиковка рәхмәт белдерде. Эзләүчеләр командасының эше бүгенге чараны уздыру мөмкинлеген бирде, диде Илдар Халиков, бу авыл халкына, бигрәк тә солдатның гаиләсенә безнең герой якташыбызның мәетен җиргә иңдерү мумкинлеген бирә.

1941 елны фронтка алынган сугышчы Иван Шестериковның мәетен күмү хәрби хөрмәтләү белән узды.
Матәм митингысында катнашучылар Бөек Ватан сугышы солдаты каберенә чәчәкләр куйдылар.

Белешмә өчен:
Сугышчы Иван Шестериков Татарстанның Лаеш районы Тарлаш авылында туган, фронтка 1941 елда алына, ике елдан соң аның гаиләсе үлү турында кәгазь (похоронка) ала.
Эзләү эшләре вакытында Артур Парфенчиков тарафыннан табылган солдат медальонын табылган урында укып булмый. Бары тик компьютер ярдәмендә генә бу медальонның 1902 елда туган рядовой Иван Шестериковныкы булуы ачыклана.