Минтимер Шәймиев Бөек Ватан сугышы ветераны Нәҗип Галимәрдәнов белән очрашты

2015 елның 25 марты, чәршәмбе
Бүген Казан Кремлендә Татарстан Республикасы Дәүләт Киңәшчесе Минтимер Шәймиев Бөек Ватан сугышы ветераны Нәҗип Галимәрдәнов белән очрашты.

Минтимер Шәймиев 87 яшьлек ветеранны Бөек Җиңүнең 70 еллыгы белән котлады һәм аңа “1941-1945 еллардагы Бөек Ватан сугышында Җиңүгә 70 ел” юбилей медален тапшырды.

Нәҗип Галимәрдәнов сугышка 1944 елда, 18 яшендә китә, Германия чигендә артиллерия гаскарләрендә сугыша. 1945 елның язында хәрби часть Ерак Көнчыгышка күчерелә. Хәрби операцияләр тәмамланганнан соң, ул армиядә 1951 елга кадәр хезмәт итә.

Аннан соң үзенең туган авылы Мөслим рпайонының (хәзер Минзәлә районы) Татар Мөшеге авылына кайта, курсларда укып, “Марс” колхозында хисапчы булып эшли. 1956 елда аны авылдашлары колхоз рәисе итеп сайлыйлар. Колхоз рәисе булып 25 ел эшли. 1966 елда югары казанышлары өчен Ленин ордены белән, 2007 елда Татарстан Республикасының “Мактаулы хезмәт өчен” медале белән бүләкләнә.

Әңгәмә барышында Минтимер Шәймиев һәм Нәҗип Галимәрдәнов 1959-1967 елллардагы уртак эшләре турындагы истәлекләре белән уртаклаштылар.
ТР Президенты матбугат хезмәте, Нурсөя Шәйдуллина.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International