Татарстанда “РИТЭК” ААҖнең социаль һәм мәдәни проектлар VI конкурсы башланды

Бүген Татарстан Республикасы Премьер-министры Васыйл Шәйхразыев, “РИТЭК” ААҖнең һәм “ЛУКОЙЛ” хәйрия фондының социаль һәм мәдәни проектлар VI конкурсында катнашу өчен гаризалар кабул итүгә багышланган киңәшмә уздырды.
Бу чара ТР Хөкүмәте йортында, республиканың барлык муниципаль районнары белән видеоконференцэлемтә режимында узды. Киңәшмәдә шулай ук “ЛУКОЙЛ” хәйрия фондының генераль директоры Игорь Бекетов, “РИТЭК” ААҖнең генераль директоры урынбасары Мөхәммәтвәли Хөснетдинов, Татарстан Президенты ярдәмчесе Ләйлә Фазлиева катнашты.

Утырышта катнашучыларга мөрәҗәгать итеп, Васыйл Шәйхразыев, Татарстан Республикасы бүген социаль проектлар белән җитди шөгыльләнә, дип билгеләде. Һәм республика бюджеты акчасына гына түгел, бәлки алдынгы предприятиеләрнең актив ярдәме белән. “Яхшы хезмәт хакын саклап, үз вакытында барлык салымнарны түләп, бу компанияләр хәйрия өчен дә акча табалар”, - дип өстәде ТР Премьер-министры урынбасары.

“РИТЭК” компаниясе социаль-мәдәни проектларга акча җибәрүче иң җитди предприятиеләрнең берсе, дип ассызыклады Васыйл Шәйхразыев. Конкурс кысаларында 5 ел эчендә Татарстанда 590 нан артык проект 115 млн. сумга финансланган.

Игорь Бекетов билгеләгәнчә, “ЛУКОЙЛ” шундый ук конкурслар уздыра, дүрт номинациядә узачак: “Экология”, “Рухилык һәм мәдәният”, “Спорт”, шулай ук Бөек Ватан сугышында Җиңүнең 70 еллыгына багышланган “Җиңү” номинацияләре.

Конкурсның программасы белән Мөхәммәтвәли Хөснетдинов таныштырды. Ул искә төшергәнчә, конкурста катнашырга коммерциячел булмаган, дәүләтнеке булмаган оешмалар; дәүләт, муниципаль, бюджет оешмалары; җирле үзидарә органнары; ММЧ чакырыла. Гаризалар март ахырына кадәр кабул ителәчәк. Сентябрьдә җиңүчеләр игълан ителәчәк.