Казандагы “Мастерс” турнирына 42 илдән 500дән артык кеше теркәлгән

2015 елның 7 апреле, сишәмбе
Казанда уздырылачак ФИНА Дөнья чемпионатында “Мастерс” категориясендә катнашуга хәзерге вакытта 42 илдән 500дән артык кеше теркәлгән. Бу хакта бүген ТР Министрлар Кабинетында уздырылган брифингта ТР яшьләр эшләре һәм спорт министры Владимир Ленов хәбәр итте.

Ул туринирның 5-16 августта үткәреләчәге, анда дөньяның 110 иленнән 5-6 мең спортчы катнашачагы турында искәртте. Чемпионат башланырга исә 119 көн вакыт калды.

Ярышлар 14 яшь категориясендә (25 яшьтән -100 яшькә кадәр) спортның 5 төре буенча уздырыла. Алар башкаланың Спортның су төрләре сараенда, “Акчарлак”, “Буревестник”, “Олимп” спорт объектлары бассейннарында һәм Казансу елгасында үткәрелә. Спортчылар йөзү, ачык суда йөзү, синхрон йөзү, су тубы, суга сикерү буенча көч сынашачак. 635 медальләр комплекты уйнату күздә тотыла, дип сөйләде ТР яшьләр эшләре һәм спорт министры. “Мастерс” турнирына рәсми онлайн-теркәү 17 февральдә башланган һәм 15 июньгә кадәр дәвам итәчәк.

Владимир Леонов билгеләп узганча, ярышларны ачу һәм ябу тантаналарын 10 һәм 16 август көннәрендә “FINA” паркында үткәрү планлаштырыла.
“Татар-информ” МА
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International