Илдар Халиков Чаллыда “Татэнергосбыт”ААҖ филиалы бүлеген ачуда катнашты

Бүген Татарстан Республикасы Премьер-министры Илдар Халиков Чаллыда “Татэнергосбыт” ААҖ филиалы бүлеген ачуда катнашты.
Бу чарада шулай ук Чаллы шәһәре башкарма комитеты җитәкчесе Наил Мәһдиев, Чаллы предприятиеләре һәм оешмалары вәкилләре катнашты.

Илдар Халиков ачылыш тантанасы барышында, бүген “Татэнергосбыт” Татарстан Республикасы икътисадына уңай йогынты ясап, шәһәр предприятиеләрен электр энергиясе белән тәэмин итә, дип хәбәр итте.

Филиал хезмәткәрләре кунакларга физик һәм юридик затлар өчен булган яңа электрон хезмәт турында сөйләделәр. Бу сервислар түләү, акча күчерү, түләү тарихларын саклау, күрсәткечләрен тапшыру, шулай ук бурычлыларга автошалтыратулар өчен булдырылган. Чаллының 90% бюджет оешмасы счетларны “Татэнергосбыт”тан электрон рәвештә ала.

Илдар Халиков электрон документ әйләнешенә күчүнең әһәмиятлелеген билгеләде һәм якын арада 100% электрон формага күчүне тәэмин итү кирәклеген белдерде.

Бүгенге көнгә “Татэнергосбыт” ААҖ филиалы 3,5 юридик һәм 5,5 физик затка хезмәт күрсәтә.