2015 елның I кварталында Татарстан территориясеннән барлык дәрәҗәдәге бюджетларга салым керемнәре күләме 100 млрд сум чамасы тәшкил итте

2015 елның 20 апреле, дүшәмбе
Агымдагы елның I кварталында тулаем төбәк продукты кимеде һәм узган елгы шушы ук вакыттагының 99,6 процентын тәшкил итә. Гыйнвар-март айларында республиканың 25 проценттан артык предприятиесе 16,7 млрд сум чыгым белән эшләгән.
Бүген ТР финанс, казначылык һәм салым органнарының 2015 елның I кварталында бюджет үтәлеше нәтиҗәләре һәм агымдагы елга бурычлар буенча республикакүләм киңәшмәсендә ТР Президенты вазыйфаларын вакытлыча башкаручы Рөстәм Миңнеханов шундый мәгълүмат белдерде.
Утырыш ТР Хөкүмәте йортында муниципаль бермәлекләр җитәкчеләре катнашында видеоконференция режимында узды.
Рөстәм Миңнеханов сүзләренә караганда, I кварталда Татарстан территориясеннән барлык дәрәҗәдәге бюджетларга салым керемнәре күләме 100 млрд сум чамасы тәшкил иткән. Узган ел белән чагыштырганда, үсеш 10 процент тәшкил иткән. Шулай да икътисадтагы тискәре тенденцияләр якын арада бюджет керемнәрендә чагылачак, дип саный ТР Президенты вазыйфаларын вакытлыча башкаручы. Шуңа күрә республикада катгый финанс дисциплина,бюджет акчаларын нәтиҗәле сарыф итү, хезмәт хакларын һәм социаль пособиеларне вакытында түләү, ташламалы категориягә керүчеләрне дарулар белән тәэмин итү һ.б. зарур, - дип ассызыклады ул.
“Икътисади үсешкә ирешү өчен икътисадны модернизацияләү, эчке һәм тышкы инвестицияләрне җәлеп итү, кече һәм урта бизнесны үстерү буенча эшләрне дәвам итәргә кирәк”, - дип ассызыклады Рөстәм Миңнеханов.
Татарстан икътисадының ныклы үсешен тәэмин итү буенча беренче чираттагы чаралар планын оператив рәвештә тулыландыру һәм агымдагы вазгыять буенча үзгәртү зарур, дип ассызыклады ТР Президенты вазыйфаларын вакытлыча башкаручы.
«Кемдер хәзердән үк кризисны җиңдек дип белдерә. Тынычланмагыз!» - диде, аерым алганда, Рөстәм Миңнеханов.
“2015 елның I кварталы нәтиҗәләре буенча Татарстанда салым керемнәрен арттыру тенденциясе сакланган. Узган ел белән чагыштырганда, ул 10 процентка артты, шул исәптә консолидацияләнгән бюджетка юнәлдерелгәне - 5 процент чамасы. Бу барлык бюджетлар буенча фаразланган салым керемнәрен тулы күләмдә үтәү мөмкинлеге бирде”, - дип белдерде Федераль салым хезмәтенең ТР буенча идарәсе җитәкчесе Марат Сафиуллин.
ТР финанслар министры Радик Гайзатуллин белдергәнчә, 2015 елның I кварталында Татарстанның консолиацияләнгән бюджетына 43,4 млрд сум күләмендә салым һәм салым булмаган керем кергән. Республика бюджетына 34,8 млрд сум күләмендә үз кереме мобилизацияләнгән, җирле бюджетларга - 8,6 млрд сум.
"Татар-Информ" МА
ВИДЕОРЕПОРТАЖ
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International