Дмитрий Рогозин Казанда “Имин шәһәр” аппарат-программалы комплекс системасын үстерү мәсьәләләре буенча ведомствоара комиссия утырышын уздырды

Бүген Казанда Россия Федерациясе Хөкүмәте рәисе урынбасары Дмитрий Рогозин Россия Гадәттән тыш хәлләр министрлыгы хезмәткәрләре ихтыяҗлары өчен кирәкле заманча техника һәм кирәк-яраклар күргәзмәсен карады.

Экспозиция “Россия Гадәттән тыш хәлләр министрлыгының ТР буенча баш идарәсенең Кризиска каршы идарә үзәге” территориясендә урнашкан иде (Казан, Яруллин ур., 1.).

Болар янгын сүндерү һәм коткару техникасының иң яңа үрнәкләре, кар-сазлыкларда яхшы йөрүче техника, заманча янгын сүндерү автомобильләре, радиациядән саклау, элемтә, хәбәр итү машиналары һәм башка техника.

Алга таба Кризиска каршы идарә үзәгенең оператив дежур смена залында “Имин шәһәр” аппарат-программалы комплекс системасы күрсәтелде.

“Имин шәһәр” - аппарат-программалы комплекс, ул Россия шәһәрләре урамнарында күзәтүне һәм анда булган хәлләр белән идарә итүне тәэмин итә, бу система Гадәттән тыш хәллләр министрлыгы, полиция һәм башка экстрен хезмәтләр өчен билгеләнгән. “Имин шәһәр” аппарат-программалы комлекс торак пунктларда гражданнарның иминлеген тәэмин итү бурычларын хәл итәргә мөмкинлек бирә.

Аннан соң Дмитрий Рогозин “Имин шәһәр” аппарат-программалы комплекс системасын үстерү һәм гамәлгә кертү мәсьәләләре буенча ведомствоара комиссия утырышын уздырды. Бу чарада Татарстан Премьер-министры Илдар Халиков, Россия Гадәттән тыш хәлләр министрлыгының Идел буе төбәге үзәге башлыгы Игорь Паньшин, ТР гражданнар оборонасы эшләре һәм гадәттән тыш хәлләр министры – Россия Гадәттән тыш хәлләр министрлыгының ТР буенча баш идарәсе башлыгы Рәфис Хәбибуллин катнашты.