Илдар Халиков Иран Тышкы эшләр министрлыгының Консуллык департаменты директоры Али Чегни белән очрашты

Татарстан РеспубликасыПремьер-министры Илдар Халиков бүген Иран Тышкы эшләр министрлыгының Консуллык департамаенты директоры Али Чегни белән очрашты.

Очрашу ТР Хөкүмәте йортында узды, анда РФ Тышкы эшләр министрлыгының Казандагы вәкиле Радик Вахитов, Иран Ислам Республикасының Казандагы Генераль консулы Расул Багернежад Шаян катнашты.

Илдар Халиков Иран делегациясе вәкилләренә Татарстан Республикасына килүләре һәм безнең төбәк белән хезмәттәшлеккә кызыксыну күрсәткәннәре өчен рәхмәт белдерде.

Безнең элемтәләр 1996 елдан бирле даими булып тора, дип искә төшерде Илдар Халиков. Аның сүзләренчә, Татарстан сәяси һәм икътисадый элемтәләрне өзмәүче төбәкләрнең берсе санала.
Бу еллларда бездә мәдәният, спорт, мәгариф һәм башка өлкәләрдә элемтәләр урнашты, дип хәбәр итте Илдар Халиков.

Ике яктан да очрашуда катнашучылар киләчәктәге үзара хезмәттәшлек мәсьәләләре хакында фикер алыштылар.

Белешмә өчен:

Татарстан Республикасы һәм Иран Ислам Республикасы арасындагы хезмәттәшлек “КАМАЗ”, “Татнефть”, “Казан вертолет заводы” ААҖләре предприятиеләре буенча гамәлгә ашырыла.
2008 елның декабреннән КФУның Халыкара мөнәсәбәтләр, тарих һәм шәрык институтының индоиран һәм африка телләре кафедрасы җирлегендә Иранистика үзәге эшли.