Рөстәм Миңнеханов: Күпхатынлылыкны хупламыйм
Татарстан Республикасы Президенты вазыйфаларын вакытлыча башкаручы Рөстәм Миңнеханов күпхатынлылык идеясен хупламавы турында белдерде. Бу хакта ул республика медиаберлеге вәкилләре белән очрашуда белдерде. Чара Казанның “Пирамида” МККда үтте.
Мәдәни-күңел ачу комплексының тамашалар залы зур студиягә әверлгән иде. Очрашуга 100дән артык матбугат вәкилләре - республика массакүләм чараларының җитәкчеләре һәм Татарстан Республикасында федераль басмаларның үз корреспондентлары чакырылды. Әңгәмәнең видеоязмасы "Татарстан - Яңа гасыр" ("ТНВ") телерадиокомпаниясе тарафыннан трансляцияләнде.
"Мин хатыным белән риза, ул бу мәсьәләгә бик тискәре мөнәсәбәттә", - дип белдерде Рөстәм Миңнеханов.
Рөстәм Миңнеханов сүзләренчә, гаилә кору балалар алдында җаваплылык таләп итә.
"Бала өчен синең хатын - әни. Бәлки, безнең һәрберебез өчен дә башкача булса, авыр булыр иде. Бу хакта шунна чыгып фикер йөртергә кирәк", - дип белдерде Татарстан Президенты вазыйфаларын вакытлыча башкаручы.
"Күпхатынлылыкны мин хупламыйм", - дип нәтиҗә ясады Рөстәм Миңнеханов һәм зал алкышлар белән ризалыгын белдерде.