ТР Премьер-министры “Куркынычсыз тәгәрмәч-2015” республика конкурсында җиңүчеләрне бүләкләде

2015 елның 30 мае, шимбә
Бүген Чаллыда, Балалар һәм яшьләр иҗаты сараенда “Куркынычсыз тәгәрмәч-2015” XXI республика конкурсына нәтиҗәләр ясалды. Чарада Татарстан Премьер-министры Илдар Халиков һәм Автошәһәр Башкарма хакимияте җитәкчесе Наил Мәһдиев катнашты.

“Татарстан Республикасында андый конкурслар күп, әмма бу үзенчәлекле. Аны тормышны коткару бәйрәме дияргә була. Сәхнәдәгеләр – Татарстан, Россия һәм Европаның иң яхшы яшь юл хәрәкәте инспекторлары”, - дип билгеләп үтте Илдар Халиков һәм ТР буенча ЭЭМ Дәүләт автоинспекциясе бүләкләрен һәм дипломнарын тапшырды.

Конкурсны Эчке эшләр министрлыгының ТР буенча ЮХИДИ идарәсе башлыгы Рифкать Миңнеханов ачты.

Быел конкурста шәһәр һәм район җиңүчеләре – 58 команда (232 кеше), 130 педагог һәм ЮХИДИ нең пропаганда бүлеге хезмәткәрләре катнашты.

Призларны Наил Мәһдиев тапшырды. Җиңүчеләр медальләр, дипломнар һәм кыйммәтле бүләкләр белән бүләкләнде.

“Мин Татарстан Республикасы җитәкчелегенә, шулай ук чаллылыларга, бу мөһим һәм файдалы чараны уздыруга ярдәм иткәннәре өчен рәхмәт белдерәм”, - диде Наил Мәһдиев.
“Татар-информ” МА
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International