ЮНЕСКО генераль директоры Ирина Бокова “Изге Болгар җыены” уңаеннан Татарстан халкын котлады

Бүген Болгарда “Изге Болгар җыены”ның тантаналы ачылышында ЮНЕСКО генераль директоры Ирина Бокованың шушы билгеле вакыйга уңаеннан котлавы укылды.

“Татарстан өчен мөһим булган, Ислам динен кабул итүнең тарихи әһәмияте, ел саен борынгы Болгарның изге җиренә хаҗ кылучылар агымын җәлеп итә, бу тарих, мәдәният һәм диннең ачык символы буларак кабул ителә.
Һичшиксез, күп гасырлар дәвамында Болгар Россия һәм бөтен дөнья мөселманнары өчен изге урын булып тора.
Болгарда Ислам динен кабул итү уңаеннан оештырыла торган тантана быел, ЮНЕСКО тарафыннан Болгар тарих-археология комплексының дини һәм рухи әһәмиятлелеге танылып, Бөтендөнья мирас исемлегенә кертелгәннән соң беренче тапкыр уздырыла.
Бүген мәдәниятара һәм динара диалог аерым әһәмиятлелек ала: бик еш нәфрәткә өндәүче , яисә дин тәрбиясезлеккә яки конфликт нәтиҗәләренә ничек түзә, дигән сөйләшүләрне ишетергә туры килә.
Бу дөрес түгел, шуңа да түземлелек өчен көрәшне дәвам итү бик мөһим. Безнең мәдәни мирасыбыз – бу көрәш юлларының берсе.
Ассызыклап әйтергә кирәк, Болгар үзара аңлашу һәм төрле диннәр арасында диологның үрнәге булып хезмәт итәргә мөмкин.
ЮНЕСКО да Татарстан Хөкүмәте һәм Президентының уникаль тарихи объектларны яңадан торгызуга күпме игътибар бирүен яхшы беләләр. Мәдәни-тарихи мирасны киләчәк буыннар өчен саклау максатында республиканың зур эшен таныйбыз, бу күп милләтле Татарстанга киләчәктә дә, хәзер инде бөтендөнья мирасы булган борынгы Болгарны саклау буенча ЮНЕСКОның бөтен таләпләрен үтәргә мөмкинлек бирәчәк!”, - диелә ЮНЕСКО генераль директоры юлламасында.