“Сетевая компания” ААҖ акционерларының еллык гомуми җыелышы узды

Татарсатн Республикасы Хөкүмәте йортында бүген “Сетевая компания” ААҖ акционерларының еллык гомуми җыелышы булды. Бу чара Татарстан Республикасы Премьер-министры Илдар Халиков рәислегендә узды. Җыелышта компаниянең 2014 ел йомгаклары буенча финанс-хуҗалык эшчәнлегенең төп нәтиҗәләре каралды.

Узган ел компаниянең электр челтәрләренә электр энергия килү 20,5 млрд. кВт/ч тәшкил иткән, кулланучылар катнаш оешмалар челтәрләренә 19 млрд. кВт/ч җибәрелгән.

2014 ел нәтиҗәләре буенча электр челтәре комплексын яңартуга 7,7 млрд. сум киткән, 8,6 млрд. сумга төп фондлар төзелгән.

Эш нәтиҗәләре буенча 2014 ел өчен компаниянең табышы 21,8 млрд. сум тәшкил иткән, шул исәптән электр энергия җибәрү буенча күрсәтелгән хезмәтләрдән – 21 млрд. сум.

Клиентлар белән эшләүне күтәрү компаниянең өстенлекле бурычларының берсе булып тора.

Бердәм стандартлар таләпләрен үтәүне тәэмин итү өчен компаниядә Кулланучыларга хезмәт күрсәтү системасы булдырылган һәм үстерелә. 2014 елда кулланучыларга хезмәт күрсәтү үзәкләре Казан, Түбән Кама, Чаллы, Әлмәт шәһәрләрендә ачылган.

2015 елда төп бурычларның берсе булып элеккечә кулланучыларны өзлексез электр белән тәэмин итү, электр белән тәэмин итүнең ышанычлылыгын арттыру буенча эшләр һәм җайланмаларны яңа заманча технологияләргә күчерү тора.
Клиенттлар белән эшләү һәм кулланучыларга хезмәт күрсәтү системасын үстерү шулай ук 2015 елда компания алдында торган төп бурычларның берсе булып кала.

Акционерларның гомуми җыелышы тарафыннан еллык отчет, еллык бухгалтерлык отчеты, шул исәптән табыш һәм чыгымнар турында отчет, 2014 ел өчен компаниянең табышын бүлү расланды.

Еллык гомуми җыелышта Директорлар советы һәм Ревизия комиссиясе сайланды, шулай ук 2015 финанс елы өчен компаниянең бухгалтерлык отчетына еллык мәҗбүри аудит уздыру өчен аудитор расланды.

Илдар Халиков компания эшчәнлегенең яхшы нәтиҗәләрен һәм кулланучыларны электр белән тәэмин итүнең ышанычлылыгын арттыру буенча нәтиҗәле эшен билгеләп, компания җитәкчелегенә һәм хезмәткәрләренә рәхмәт белдерде.