Илдар Халиков Түбән Новгород өлкәсенә килде

2015 елның 7 июле, сишәмбе
Татарстан Республикасы Премьер-министры Илдар Халиков бүген Түбән Новгород өлкәсенә килде.
Аның бу өлкәгә килүенең максаты- Татинец авылында узучы агросәнәгать форумында катнашу.

Бу форум алтынчы тапкыр уздырыла һәм Идел буе едераль округының барлык 14 төбәгеннән зур агросәнәгать предприятиеләре вәкилләрен җыя.

Форум барышында заманча техника һәм җайланмалар күргәзмәсе булачак: авыл хуҗалыгы машиналарын төзү продукциясен Россиянең әйдәп баручы җитештерүчеләре күрсәтәчәк. Шулай ук авыл хуҗалыгы терлекләре күргәзмәсе булачак. Ике көн дәвамында тематик семинарлар һәм консультацияләр узачак, анда хакимият органнары, эшмәкәрлек эксперт берләшмәләре вәкилләре катнашачак.

Моннан тыш, Илдар Халиков “Идел буе округында агросәнәгать комплексы үсеше” темасына киңәшмәдә катнашачак.
Көн үзәгендә авыл хуҗалыгының үсемлекчелек өлкәсенә дәүләт ярдәме мәсьәләләре тора. Шулай ук киңәшмә эшендә Россия Президентының Идел буе федераль округында тулы вәкаләтле вәкиле Михаил Бабич һәм РФ авыл хуҗалыгы министры Александр Ткачев катнашачак.


ТР Президенты матбугат хезмәте
ВИДЕОРЕПОРТАЖ
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International