Марат Әхмәтов: 2015 елның беренче ярты еллыгында Татарстан Республикасы терлекчелегендә уңай динамика күзәтелә

2015 елның беренче ярты еллыгында Татарстан Республикасы терлекчелегендә уңай динамика күзәтелә. Бу хакта бүген ТР Хөкүмәте йортында узган республика киңәшмәсендә ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Премьер-министры Илдар Халиков уздырды.

Марат Әхмәтов хәбәр иткәнчә, 2015 елның беренче ярты еллыгында тере үлчәмдә 208,2 мең тонна терлек һәм кош ите сатылган, бу узган елның шушы чорына 102,5% тәшкил итә.
Авыл хуҗалыгы берләшмәләре һәм крестьян-фермер хуҗалыкларына 171,1% мең тонна, шәхси ярдәмче хуҗалыкларга 37,1 мең тонна туры килә.

Беренче ярты еллыкта 869,4 мең тонна сөт, 594,3 млн. данә йомырка җитештерелгән.

Марат Әхмәтов беренче ярты еллыкта районнар буенча сөт җитештерү күрсәткечләре турында сөйләде. Аның сүзләренчә, 43 муниципаль райнның 36сы яхшы эшләгән. Һәр тәүлек саен авыл хуҗалыгы берләшмәләрендә 3,5 мең тонна сөт җитештерелгән.