Илдар Халиков ТР буенча Эчке эшләр министрлыгы хезмәткәрләренә яңа автомобиль ачкычларын тапшырды

ТР буенча Эчке эшләр министрлыгының территориаль органнары автопаркы 72 яңа эш машинасы белән тулыланды. Полиция участок уполномоченныйлары һәм патруль-пост хезмәте инспекторларына яңа транспорт ачкычларын ТР Премьер-министры Илдар Халиков һәм ТР буенча эчке эшләр министры Артем Хохорин тапшырды.

"Бүгенге вакыйга - полициянең матди-техник хәлен ныгыту гына түгел, ил җитәкчелеге ягыннан участок уполномоченныйлары һәм патруль-пост хезмәте эшенең әһәмиятен җитди бәяләү дә, чөнки нәкъ менә сезгә хокук бозулар, җинаятьләргә каршы көрәш һәм, иң мөһиме - хокук бозуларны кисәтүнең иң кискене туры килә", - дип билгеләп үтте тантаналы чара башында ТР Премьер-министры.

Илдар Халиков ассызыклаганча, автопаркны тулыландыру Россия Федерациясе полициясенең личный составын кыскарту һәм, шуңа бәйле рәвештә, эчке эшләр органнары хезмәткәрләренә йөкләнеш арту вакытына туры килде. Ул яңа автомобильләр ил җитәкчелегенең субъектларда тормышка ашырылачак карарын компенсацияләргә булышыр дигән ышаныч белдерде.

Премьер-министр соңгы берничә елда ил җитәкчелегенең эчке эшләр органнарының матди-техник хәлен һәм хезмәткәрләрнең эш хакын арттыру буенча йөкләмәләре тормышка ашырылганны искәртте. Шулай ук республикада ТР Президенты Рөстәм Миңнеханов кабул иткән бөтен Россия өчен уникаль саналган участок уполномоченныйлары өчен йортлар төзү программасы гамәлгә ашырылу турында да белдерде.

ТР буенча эчке эшләр министры Артем Хохорин республика полиция автопаркын тулыландыруны чын бәйрәм дип атады. "72 автомобиль - Татарстан автопаркына җитди кертем. Мобильлелекне арттыру - федераль үзәк һәм республика җитәкчелегенең өлеше", - диде ул.

Артем Хохорин билгеләп узганча, республика министрлыгында алда көтелгән кыскартуларга сөенмиләр. Ул шулай ук чарада катнашучы участок уполномоченныйлары һәм патруль-пост хезмәте инспекторларын кыскартулар аларга кагылмый, дип тынычландырды.
"Агымдагы елда бурычлар үтәлә. Урамнарда тынычлык саклыйбыз, чөнки һәркайсыбыз үзебезгә нинди бурыч һәм җаваплылык салынганны аңлыйбыз", - дип мөрәҗәгать итте ул хезмәткәрләргә.

Бүген полицейскийлар 72 "Нива" автомобилен кабул итеп алды: 58 автомобиль участок уполномоченныйлары өчен һәм 14е патруль-пост хезмәтенә. Казанда әлеге машиналарның 4се патруль-пост хезмәтендә кала.

Автомобильләр республика министрлыгына дәүләт оборона заказы һәм "2014-2020 елларга Җәмәгать тәртибен саклау һәм җинаятьчелеккә каршы көрәшне тәэмин итү" программасы кысаларында алынган.