Татарстан Премьер-министры Рөстәм Миңнеханов сугыш ветераннарын торак белән тәэмин итү мәсьәләсенә Ветераннар берләшмәсенең урындагы оешмаларын җәлеп итәргә тәкъдим итте

Татарстан Республикасы Премьер-министры Рөстәм Миңнеханов Җиңүнең 65 еллыгы алдыннан Бөек Ватан сугышы ветераннарының торак шартларын яхшырту мәсьәләсенә Ветераннар берләшмәсенең урындагы оешмаларын җәлеп итәргә тәкъдим итте. Бүген бу турыда ул торакны кулланышка кертү һәм капиталь ремонт ясау буенча республика киңәшмәсендә әйтте. Киңәшмә Татарстан Республикасы Хөкүмәт бинасында республиканың барлык муниципаль районнары белән видеоконференцэлемтә режимында үтте.
Ветераннарны торак белән тәэмин итү һәм торак шартларын яхшырту мәсьәләсе турында доклад белән Татарстан Республикасы хезмәт, мәшгульлек һәм социаль яклау министры Айрат Шәфигуллин чыгыш ясады. Ул шуны хәбәр итте: Россия Президенты Дмитрий Медведев тарафыннан 2005 елның 1 нче мартына кадәр учетка баскан, ярдәмгә мохтаҗ булган барлык сугыш ветераннарны 2010 елның 1 нче мартына кадәр торак белән тәэмин итү бурычы куелды.
Моннан тыш, федераль закончылыкта үзгәрешләр булу сәбәпле, үз торак шартларын яхшырту мөмкинлеген билгеләнгән датадан соң (2005 елның 1 нче марты) торакны яхшырту буенча учетка баскан ветераннар да алдылар.
Шулай итеп, 2006 елдан Татарстанда үз торак шартларын 1581 ветеран (һәм бу категориягә туры китерелгән затлар) яхшырткан, шул исәптән 2009 елда – 1395 ветеран.
Әлеге максатларга федераль бюджеттан бирелгән субсидияләрнең тулаем күләме 2 млрд. 1 млн. сум тәшкил итә.
Соңгы мәгълүмат буенча, торакны алу өчен,реестрда тагын 217 ветеран тора, шулардан 199ы белдерүләр алды инде. 199 кешедән 99ы социаль ипотека буенча торак шартларын яхшыртырга уйлады, 100 кеше, үз торак шартларын яхшырту өчен, фатирларны үзлектән табарга булды (аларның барысы да 2005 елның 1 нче мартына кадәр учетка басты).
Федераль закончылыкта үзгәрешләр булу сәбәпле, үз торак шартларын яхшырту мөмкинлеген 2005 елның 1 нче мартына кадәр учетка баскан ветераннар да алды (327 номерлы федераль закон), дип хәбәр итте Айрат Шәфигуллин. Торак яхшырту буенча учетка бастыру ветераннар керемнәрен исәпкә алмыйча башкарыла.
Шулай итеп, Татарстанда учетка 2005 елның 1 мартыннан соң 5770 сугыш ветераны басты.
Айрат Шәфигуллин хәбәр иткәнчә, социаль сораштыру шуны күрсәткән: ярдәмгә мохтаҗ булган ветераннарның 31 % ы социаль ипотека программасы буенча үз торак шартларын яхшыртырга, 23 % ы субсидияне алырга һәм аны булган йортны рекострукцияләүгә юнәлтергә ниятли, 4 % ы әле карарга килмәгән.