Илдар Халиков һәм РФ Юстиция министрлыгының ТР буенча идарәсе башлыгы Виктор Демидов үзара хезмәттәшлек турында килешү имзаладылар

Бүген ТР Хөкүмәте йортында Татарстан Республикасы Министрлар Кабинеты һәм РФ Юстиция министрлыгының ТР буенча идарәсе арасында үзара хезмәттәшлек турында килешү имзаланды. Документка Татарстан Премьер-министры Илдар Халиков һәм РФ Юстиция министрлыгының ТР буенча идарәсе башлыгы Виктор Демидов имзаларын куйды.

Бу килешү Татарстан Республикасы законнарын камилләштерүдә , коммерцияле булмаган оешмалар эшчәнлеген гамәлгә кертү мәсьәләләре буенча хезмәттәшлектә Россия Федерациясенең бердәм хокукый пространствосын тәэмин итүдә, гражданнарга бушлай юридик ярдәм күрсәтү һәм халыкны хокукый агартуда уртак кызыксыну белдерә.

Моннан тыш, килешүдә мәгълүмат һәм уртак эшчәнлек мәсьәләләре буенча тәкъдимнәр алмашу, республикада законнар куллануга мониторинг уздыру карала.

Илдар Халиков республика җитәкчелеге һәрвакыт Татарстанда дәүләт һәм иҗтимагый процессларны хокукый җайга салуны камилләштерү инициативаларын хуплады, дип билгеләде. Киләчәктә дә төрле яклап ярдәм итәргә әзер, дип өстәде ул.

Ике яктан да катнашучылар, килешү Татарстан Республикасында законлылыкны, кеше һәм граждан хокукларын яклауны ныгытуга ярдәм итәр, дигән ышаныч белдерделәр.