Рөстәм Миңнеханов Болгарда “Дулкын” ябык бассейнын ачты

2015 елның 5 августы, чәршәмбе
Татарстан Республикасы Президенты вазыйфаларын вакытлыча башкаручы Рөстәм Миңнеханов бүген Татарстан Спас районы Болгар шәһәрендә “Дулкын” тренажер залы булган ябык бассейнын ачты.
Бу чарага җыелучыларны Спас муниципаль районы башлыгы Камил Нугаев сәламләде. Ул район өчен бассейн ачылу – зур бәйрәм, бу чараның Казанда Спортның су төрләре буенча Дөнья чемпионаты вакытында узуы тагын да күңелле вакыйга, дип билгеләп үтте. Район башлыгы Татарстан җитәкчелегенә һәм шәхсән Рөстәм Миңнехановка бассейн өчен рәхмәт белдерде.
“Спортның су төрләре буенча ДЧ ябылу алдыннан мондый комплекс ачылу күңелле, - дип мөрәҗәгать итте районда яшәүчеләргә Татарстан Республикасы Президенты вазифаларын вакытлыча башкаручы. – Сез суда яшисез, сездә су күп, әгәр сезнең мондый объектларыгыз булмаса, безгә башка илләр белән көндәшлек итәргә катлаулы булачак”. Ул яңа спорт комплексына төрле яшьтәге кешеләрнең йөрүен теләде. “Йөзү – теләсә нинди яшьтәге кеше өчен спортның иң яхшы төре. Бу объектның файдалануга тапшырылуына шатбыз, биредә яшьләр һәм өлкәннәр күп булуын телибез”, - диде Р.Миңнеханов.
Районда яшәүчеләрне бүгенге бәйрәм белән шулай ук су тубы буенча Олимпия уеннарының көмеш медаль иясе Ирек Зиннуров та котлады. “Бу зур бүләк, бүген Россиянең һәр төбәге дә күпсанлы бассейннары белән мактана алмый. Бу максатларга респбулика җитәкчелеге, Рөстәм Миңнеханов ярдәме белән ирешелгән”, - диде ул.
Рәсми чыгышлардан соң яңа комплекс директорыны символик ачкыч тапшырылды. Аннары кунаклар бассейнны карады.
Болгарда тренажер залы булган ябык бассейн төзелешенә “Россиядә физик культура һәм спортны үстерү” федераль программасы кысасында 40 млн сум акча бүлеп бирелгән. Татарстан бюджетыннан бу объект төзелешенә 101,7 млн сум сарыф ителгән. Барлыгы бөтен чыганаклардан 141, 696 мең сум юнәлдерелгән.
Бүген мәртәбәле кунаклар яңа спорт комплексы бассейнында Чаллы балалар спорт мәктәбе синхрончылары чыгышын карадылар. Тренажер залында биредә яшәүчеләр актив рәвештә шөгыльләнә. 
"Татар-Информ" МА
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International