Рөстәм Миңнеханов Федераль иминлек хезмәтенең Самара һәм Саратов өлкәләре буенча Чик буе идарәсе башлыгы Сергей Митюшин белән очрашты

2015 елның 9 августы, якшәмбе
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Федераль иминлек хезмәтенең Самара һәм Саратов өлкәләре буенча Чик буе идарәсе башлыгы Сергей Митюшин белән очрашты. Очрашу ТР Хөкүмәте Йортында узды. 
Очрашу барышында Казанда 2015 елгы Су спорт төрбләре буенча дөнья чемпионатына әзерлек һәм оештыру мәсьәләләре турында сүз барды. Рөстәм Миңнеханов чик хезмәтенә  бу чорда җитди йөкләнеш туры килгәнен ассызыклады. Ул шулай ук билгеләгәнчә, мондый халыкара ярышлар бөтен дөньяга Россиянең ачык булуын, аның дустанә мөнәсәбәтләрен һәм багланышларга әзер булуын күрсәтә. 
Очрашуда шулай ук ТР Иминлек советы секретаре Айрат Шәфигуллин һәм башка рәсми затлар да бар иде.  
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International