Рөстәм Миңнеханов «Халыкара армия уеннары- 2015»нең йомгаклау этабында - «Танк биатлоны» конкурсының финалында булды
Бүген көннең икенче яртысында Татарстан Республикасы Президенты вазыйфаларын вакытлыча башкаручы Рөстәм Миңнеханов «Алабино» (Мәскәү өлкәсе) полигонында «Халыкара армия уеннары- 2015»нең йомгаклау этабында - «Танк биатлоны» конкурсының финалында булды.
Искәртәбез, «Халыкара армия уеннары- 2015» - АРМИ-2015тә - Европадан, Азиядән, Африкадан һәмәм Латыйн Америкасыннан - барлыгы 17 дәүләттән 57 команда катнашты. Иң зур командалар Кытай һәм Белоруссия хәрби ведомстволарыннан иде. Кытай хәрбиләре 12 конкурста катнашты, ә Белоруссия командалары - тугыз конкурста.
АРМИ-2015дә гомуми җиңү өчен «Халыкара армия уеннарының» Кубогын Россия командасы алды. Икенче урында Кытай командасы.
Төп трибунадан бүгенге финал ярышларын Россия Оборона министры Сергей Шойгу һәм башка рәсми затлар күзәтте.